دمشق ۔۔۔۔۔۔۔۔ حماس تحریک کے جلا وطن رہمنا خالد مشعل نے کہا ہے کہ وہ فلسطینی صدرمحمودعباس سے غیر مشروط مزاکرات کے لئے تیار ہیں۔ دمشق میں حماس کے قیام کے 20برس مکمل ہونے پر ایک تقریب سے خطاب کر تے ہوئے انہوں نے کہا کہ الیکشن کے انعقاد سمیت تمام اموار پر فلسطینی صدر سے بات چیت کے لئے تیار ہیں۔ یاد درہے کہ صدر محمود عباس نے پیر کے روز اس بات کا عندیہ دیا تھا کہ وہ حماس سے تعلقات کا ایک نیا باب کھولنا چاہتے ہیں بشرطیکہ حماس غزہ کی پٹی پر کنٹرول سے دستبردار ہو جائے ۔