|
حکومتی رابطہ اور کوششیں، متحدہ نئی کابینہ میں شامل ہوجائے گی، سرکاری ذرائع
06-02-11, 05:43 AM
کراچی (رپورٹ : آغا خالد) وفاقی حکومت کی جانب سے گزشتہ 48 گھنٹوں کے دوران متحدہ قومی موومنٹ کی رابطہ کمیٹی اور لندن میں قائد الطاف حسین سے متعدد رابطوں کے ذریعے پیشکش کی گئی ہے کہ اگر متحدہ قومی موومنٹ وفاقی کابینہ میں شمولیت پر آمادہ ہو تو اسے سابقہ دونوں وزارتیں دی جا سکتی ہیں تاہم متحدہ قومی موومنٹ کی جانب سے اس سلسلے میں کوئی حتمی فیصلہ نہیں کیا گیا۔ متحدہ کی قیادت سے رابطے کے نتیجے میں سامنے آنے والی صورتحال حکومت کے لئے زیادہ خوش کن نہیں تاہم حکومت کی جانب سے صدر مملکت آصف علی زرداری، وزیراعظم یوسف رضا گیلانی اور وفاقی وزیر داخلہ رحمن ملک نے گزشتہ تین روز کے دوران متحدہ کے قائد الطاف حسین اور رابطہ کمیٹی سے چھ مختلف ٹیلیفونک رابطوں میں ان سے درخواست کی ہے کہ وہ نئی وفاقی کابینہ میں شامل ہو جائیں کیونکہ حکومت نے ان کی اکثر شرائط تسلیم کرلی ہیں اور ان پر عملدرآمد بھی کر دیاگیا ہے۔ حکومت کی جانب سے متحدہ قومی موومنٹ کو آگاہ کیا گیا ہے کہ پیٹرولیم مصنوعات کی قیمتوں میں کمی اور مزید اضافہ نہ کرنے کے فیصلوں کے بعد متحدہ کی بڑی شکایت کا ازالہ ہو گیا ہے۔ اس کے علاوہ وفاقی اور صوبائی حکومتوں کے اخراجات میں کمی، کابینہ کا سائز کم کرنے اور موثر احتساب بل کی حتمی تیاری کے بعد متحدہ قومی موومنٹ کی بڑی اور اہم شرائط پر عملدرآمد ہو گیا ہے۔ حکومتی ذرائع دعویٰ کر رہے ہیں کہ متحدہ قومی موومنٹ نئی کابینہ میں شامل ہو جائے گی اور اس کے دونوں وزراءڈاکٹر فاروق ستار اور بابر غوری اپنے سابقہ محکموں کے حلف اٹھائیں گے۔ جب کہ متحدہ قومی موومنٹ نے اس حکومتی دعویٰ کی تصدیق نہیں کی۔
روزنامہ جنگ راولپنڈی
__________________
(وَقُل رَّبِّ ارْحَمْهُمَا كَمَا رَبَّيَانِي صَغِيرًا) اے میرے رب جس طرح انہوں نے مجھے بچپن سے پالا ہے اسی طرح تو بھی ان پر رحم فرما۔ (الاسراء: 23)
|
گلاب خان
Senior Member
تاریخ شمولیت: Oct 2008
مقام: راولپنڈی
مراسلات: 4,482
شکریہ: 1,535
2,971 مراسلہ میں 8,223 بارشکریہ ادا کیا گیا
|
|
06-02-11, 05:43 AM
Linear Mode
Similar Threads
