کراچی، مہاجر قومی موومنٹ پاکستان وائس چیئرمین شمشاد خان غوری نے کہا ہے کہ موجودہ حالات میں ملک کسی محاذ آرائی کا متحمل نہیں ہوسکتا چناچہ حکومت ڈاکٹر ذوالفقار مرزا کے پیش کردہ حقائق کو الزامات کہہ کر جان چھڑانے کی بجائے کھلے دل سے تسلیم کرے اور ملک کے خلاف سازشوں میںمصروف عناصر کے خلاف قانون و آئین کے تحت سخت ترین کاروائی کی جائے۔

عارضی بیت الحمزہ سے جاری کردہ بیان میں انہوں نے کہا کہ کراچی میں برسرِ پیکار فاشسٹ گروپ ملک دشمنی کے خمیر سے ہی پیدا ہوا ہے اور مذکورہ خود پرست گروپ کے روز و شب وطن ِ عزیز کو کمزور کرنے کی سازشیں کرنے اور بیرونی طاقتوں کے ملک دشمن ایجنڈے پر من وعن عمل پر ہی بسر ہوتے ہیں یہی وجہ ہے کہ خواہ معصوم و بیگناہ شہریوں کا قتل ِ عام ہواملاک کی تباہی ملکی وسائل کو بیدردی سے لوٹنا ہویا قومی اثاثہ جات کی بربادی مذکورہ جماعت ہر جگہ کارفرما نظر آتی ہے۔

شمشاد خان غوری نے کہا کہ حکومتی حلیف جماعت کی ملک و قوم دشمن سرگرمیوں سے حکومت بے خبر ہے نہ مقتدرہ قوتیں لیکن اسکے باوجود حکومت جس ڈھٹائی سے نام نہاد مفاہمت کے نام پر مذکورہ عناصر کو کھلی چھوٹ دے رہی ہے وہ کسی طور حب الوطنی میں شمار نہیں کیا جاسکتا ۔شمشاد خان غوری نے کہا کہ ڈاکٹر ذوالفقار مرزا کا جرات ِ اظہار ”دیر آئد درست آئد “کی مثال ضرور ہے لیکن ان صاحبان ِ اقتدار سے بدرجہا بہتر ہے کہ جو چہروں پر مکر و فریب کے نقاب چڑھائے ہنوز عوام کو بیوقوف بنانے اور انہیں سفاک ٹارگٹ کلرز کے آگے ہاتھ پاﺅ باندھ کر ڈالنے پر کمر بستہ ہیں۔

انہوں نے مزید کہا کہ ڈاکٹر ذوالفقار مرزا نے جس ملک دشمن فاشسٹ جماعت کے خلاف آواز بلند کی ہے اسے مہاجر قومی موومنٹ اور اسیر چیئرمین آفاق احمد برسوں سے بے نقاب کرتے چلے آرہے ہیں اسی طرح آج سپریم کورٹ نے جس قتل و غارت گری کا سوموٹو ایکشن لیا ہے اسکے تکلیف دہ حقائق سے بھی سپریم کورٹ کو مہاجر قومی موومنٹ یادداشتوں اور درخواستوں کی صورت آگاہ کرتی رہی ہے چناچہ سپریم کورٹ پر یہ اخلاقی ذمہ داری عائد ہوتی ہے کہ جہاں وہ ڈاکٹر ذوالفقار مرزا کو طلب کرنے کا عندیہ دے رہی ہے وہیں مہاجر قومی موومنٹ کو بھی فریق تسلیم کرتے ہوئے عدالت ِ عظمیٰ میں حاضری کی اجازت کی اجازت دے کیونکہ صرف مہاجر قومی موومنٹ ہی مذکورہ فاشسٹ گروپ کی فسطائیت کو مکمل طور پر بے نقاب کرسکتی ہے ۔

حکومت ذوالفقار مرزا کے پیش کردہ حقائق کو الزامات کہہ کر جان چھڑانے کی

__________________
"اگرحق کونہیں پہچان سکتے،تو باطل کےتیروں پر نظررکھو،جہاں پرلگ رہے ہوں وہی حق ہے///شیخ الاسلام،،،امام ابن تیمیہ رحمتہ اللہ علیہ. (حافظ سعید زندہ باد)