|
حکومت نے آئی ایس آئی کے سربراہ جنرل احمد شجاع پاشا کی مدت ملازمت میں ایک سال توسیع کردی
11-03-11, 07:02 AM
اسلام آباد(آن لائن) حکومت نے آئی ایس آئی کے سربراہ لیفٹیننٹ جنرل احمد شجاع پاشا کی مدت ملازمت میں ایک سال کی توسیع کردی۔ صدر آصف علی زرداری نے اس حوالے سے وزیراعظم سید یوسف رضا گیلانی کی سفارش کی منظوری دے دی ہے۔ انتہائی اہم ذرائع نے بتایا کہ صدر آصف علی زرداری نے وزیراعظم کی جانب سے آئی ایس آئی کے سربراہ کی مدت ملازمت میں ا یک سال کی توسیع کی سفارش کے لئے بھیجی جانے والی سمر ی پر دستخط کردیئے ہیں۔ قوانین کے تحت آرمی چیف کسی بھی لیفٹیننٹ جنرل کو صرف ایک بار ایک سال کی توسیع دے سکتے ہیں جس کیلئے انہیں حکومتی منظوری کی ضرورت نہیں ہوتی تاہم اس میں مزید توسیع کے لئے صدر مملکت کی منظوری ضروری ہے۔ قواعد و ضوابط کے تحت چیف آف آرمی سٹاف کے دفتر نے جنرل پاشا کی مدت ملازمت میں توسیع کے لئے وزارت دفاع کو سمری ارسال کی جسے وزیردفاع چوہدی احمد مختار نے وزیراعظم کو ارسال کیا جس پر صدر مملکت نے وزیراعظم کی سمری پر دستخط کردیئے۔ جنرل پاشا کی مدت ملازمت میں ایک سال کی توسیع کا نوٹیفیکیشن رواں ماہ کی 18 تاریخ سے قبل جاری کردیا جائے گا۔ ذرائع نے آن لائن کو بتایا کہ آئی ایس آئی کے سربراہ کی مدت ملازمت میں توسیع داخلی سلامتی اور خارجہ تعلقات کے حوالے سے پالیسیوں میں تسلسل کی ضرورت کو مدنظر رکھتے ہوئے کی گئی ہے ۔
__________________
(وَقُل رَّبِّ ارْحَمْهُمَا كَمَا رَبَّيَانِي صَغِيرًا) اے میرے رب جس طرح انہوں نے مجھے بچپن سے پالا ہے اسی طرح تو بھی ان پر رحم فرما۔ (الاسراء: 23)
|
گلاب خان
Senior Member
تاریخ شمولیت: Oct 2008
مقام: راولپنڈی
مراسلات: 4,482
شکریہ: 1,535
2,971 مراسلہ میں 8,223 بارشکریہ ادا کیا گیا
|
|
11-03-11, 07:02 AM
Linear Mode
Similar Threads
