حکومت نے سفارتکاروں اور دفاتر کی سیکیورٹی میں اضافے کی ہدایت کردی
اسلام آباد(پاک نیٹ ) وزیر اعظم کی جانب سے قائم کردہ سیکیورٹی کی صورتحال سے متعلق کمیٹی کے اجلاس میں سفارتکاروں اور دفاتر کی سیکیورٹی میں اضافے کی کی ہدایت کی گئی ہے۔ کمیٹی کے اجلاس کے بعد غیر ملکی سفیروں کے لئے ایک بریفنگ کا اہتمام کیا گیا جس میں متعدد غیر ملکی سفیرشریک ہو ئے۔ اس موقع پر مشیر داخلہ رحمان ملک نے غیر ملکی سفیروں سے بات کرتے ہوئے بین الاقوامی برادری سے اپیل کی کہ وہ پاکستان میں اپنے دفاتر بند نہ کریں، پاکستان کیلئے پروازیں منسوخ نہ کریں۔ سفارتخانوں اور سفاتکاروں سے متعلق سیکیورٹی کے حوالے سے رحمان ملک نے کہا کہ پہلے ان تمام اہم مقامات اور شخصیات کیلئے پولیس تعینات تھی اب پولیس اور ایف سی کے اہلکاروں کے ساتھ رینجرز بھی تعینات ہو گی۔انہوں نے مزید کہا کہ دہشتگردی کے واقعات سے نمٹنے کیلئے چین سے آلات بھی منگوائے جائیں گے۔
٭٭٭٭٭٭٭٭