مہنگائی اَخراجات میں کمی کرپٹ افسروں کو فارغ پٹرولیم قیمتوں میں کمی کا جائزہ لیا جائے حکومتی شخصیات
اسلام آباد ( وقائع نگار) اعلیٰ حکومتی شخصیات نے اپنے سیاسی معاونین اور حکومتی اِتحادی جماعتوں کے ساتھ نواز شریف کے 11 نکاتی ایجنڈے پر صلاح و مشورہ شروع کر دیا ہے۔ باوثوق ذرائع نے بتایا کہ گورنر پنجاب سلمان تاثیر کی تدفین کے بعد وزیراعظم سید یوسف رضا گیلانی اور دوسرے وزراءدارالحکومت پہنچ رہے ہیں جس کے بعد ایوان صدر یا کراچی میں اُنکی رہائشگاہ پر پیپلز پارٹی کے زعماءکا اہم اجلاس ہو گا جس میں میاں نواز شریف کے گیارہ نکاتی ایجنڈے اور حکومت کی اکثریت کو برقرار رکھنے کیلئے متبادل تجاویز کا بھی جائزہ لیا جائیگا۔ ذرائع نے بتایا کہ اِس بات کا بھی امکان ہے کہ نواز شریف سے ڈیڈ لائن کی مدت میں اضافے کا بھی کہا جائے۔ بعض حکومتی زعماءاِس حق میں ہیں کہ نواز شریف کے گیارہ نکاتی ایجنڈے میں بعض کو اِس شرط کے ساتھ فوری طور پر مان لیا جائے کہ مفاہمتی اور اُنکے ایجنڈے پر عملدرآمد کیلئے وہ وفاقی حکومت میں شامل ہوجائیں بعض حکومتی شخصیات کا خیال ہے کہ حکومت کو پانچ سال پورے کرنے اور ملک کے حالات بہتر بنانے کیلئے گیارہ نکاتی ایجنڈے میں سے مہنگائی پر قابو پانے کیلئے موثر اقدامات کرپٹ افسروں کو فارغ کرنے اخراجات میں کمی بینظیر اور بگتی قتل کی تحقیقات وزراء کی تعداد میں کمی پٹرولیم کی قیمتوں میں کمی کا جائزہ لیا جائے۔ صدر آصف علی زرداری چاہتے ہیں ملک کے نازک حالات میں مفاہمتی پالیسی کو جاری رکھنا چاہئے اور مسلم لیگ (ن) سمیت ایم کیو ایم جمعیت العلمائے اِسلام کو واپس حکومت میں لایا جائے اور اُنکے تحفظات دور کئے جائیں۔ ذرائع نے بتایا کہ وزیراعظم سید یوسف رضا گیلانی مسلم لیگ (ن) اور مسلم لیگ (ق) کی قیادت سے ملاقاتوں سے مطمئن ہیں اور یہ بات خوش آئند ہے کہ کوئی بھی سیاسی جماعت جمہوریت کو ڈی ریل کرنے کے حق میں نہیں ہے اور نہ ہی کوئی نیا اِتحاد مسلم لیگ (ن) کے بغیر حکومت کیخلاف عدم اعتماد لانے کی پوزیشن میں ہے۔
06-01-11, 03:51 AM
06-01-11, 03:51 AM
Linear Mode
Similar Threads
