عالمی مارکیٹ اور مقامی ماکیٹ میں پیٹرولیم مصنوعات کی قیمتیں مساوی ہونے تک حکومت پیٹرولیم مصنوعات کی قیمتوں میں کمی نہیں کرے گی۔ یہ باتیں وفاقی وزیر خزانہ نوید قمر نے آل پاکستان ٹیکسٹائل ملز ایسوسی ایشن (اپٹما) کے اراکین سے ملاقات کے بعد صحافیوں سے بات چیت کرتے ہوئے بتائیں ان کے کہنا تھا کہ موجودہ تمام اقتصادی صورتحال کی ذمہ داری سابقہ حکومت کی پالیسیاں ہیں۔ سابقہ حکومت نے 100 ارب ڈالر کے ان ڈائریکٹ قرضے حاصل کیے جو کہ موجودہ حکومت کیلئے مسائل کی بڑی وجہ ہیں۔ انہوں نے کہا کہ حکومت روپے کی قدر کو مستحکم کرنے کیلئے زرمبادلہ کے ذخائر میں 3.5 ارب ڈالر کا اضافہ کرے گی۔ ایک ارب ڈالر ورلڈ بینک اور ایشیائی ترقیاتی بینک سے بقیہ انوسٹمنٹ بانڈز اور ترسیلات زر سے پورے کیے جائیں گے ایک سوال پر ان کا کہنا تھا کہ سی این جی ڈیلرز نے فارمولا دیکھے بغیر ہی احتجاج کرنا شروع کردیا ہے حکومت ان کے دباؤ میں آکر فارمولا نہیں بدلے گی۔ نوید قمر کا کہنا تھا کہ حکومت ٹیکسٹائل سیکٹر کو ہر ممکن سہولتیں فراہم کرے گی۔ گارمنٹ سیکٹر کو حکومت پہلے ہی 6 فیصد آر اینڈ ڈی دے رہی ہے ٹیکسٹائل کے دیگر سیکٹر کو بھی حکومت یہ سہولت دینے کی کوشش کررہی ہے۔ ایک اور سوال پر انہوں نے کہا کہ تقریبا 75 ارب روپے کی ایکسپورٹ پروسیڈز بیرون ملک روکی گئی بروقت پروسیڈ نہ لانے والے بینکوں کے خلاف قانونی کارروائی کرے گی۔