حکومت کا انٹیلی جنس اداروں پر مکمل کنٹرول ہے، صدر کرزئی ثبوت دیں، مشترکہ تحقیقات کیلئے تیار ہیں، رحمن ملک
لندن (جنگ نیوز) وزیراعظم کے مشیر داخلہ رحمن ملک نے کابل میں بھارتی سفارتخانے پر خودکش حملے میں پاکستانی ایجنسیوں کے ملوث ہونے کے متعلق افغان حکومت کی الزام تراشیوں کو مسترد کرتے ہوئے کہا ہے کہ صدرکرزئی اپنے الزامات کے بارے میں ثبوت پیش کریں جن کی بنیاد پر الزام تراشی کی جارہی ہے تو ہم مشترکہ تحقیقات کے لیے تیار ہیں اور حکومت پاکستان کا انٹیلی جنس اداروں پر مکمل کنٹرول ہے، جمعہ کو برطانوی خبر رساں ادارے کے ایک انٹرویو میں انہوں نے کہا کہ وزیراعظم پاکستان کا ان الزامات کی تردید کابیان ریکارڈ پر ہے۔ ماضی میں بھی افغانستان کی طرف سے اس طرح کے الزامات آتے رہے ہیں، رحمان ملک نے کہا ہے پاکستان میں ایسے اندرونی اور بیرونی خطرات کا سامنا نہیں جس سے عالمی اداروں یا عالمی شخصیات کی معاونت درکار ہو۔

__________________