گوندل

کنعان جی!
کیا آپ لوگ ایسے احکام کا مطلب جانتے ہیں ؟
جس ملک میں ہر قسم کی ٹیکنالوجی موجود ہو جس کے ذریعے سے وہ ہواؤں،دریاؤں،سمندروں اور زمین کی تہوں میں دیکھ سکتے ہوں۔ سکیننگ ،سکریننگ،ایکسرے،سی سی ٹی وی،الٹرا ساؤنڈ،تھرمل امیجنگ،انفرا ریڈ و الٹرا وائیلٹ، و لاشعاعوں کے نظاموں کی موجودگی میں اس قسم کی جامہ تلاشیوں کا کیا مقصد ہوتا ہے؟
مقصد صرف یہ باور کرانا اور ثابت کرنا ہوتا ہے کہ تم جو اپنے آپ کو غیرت مند پاکستانی اور مسلمان سمجھتے ہو ہماری نظر میں تم ایک حقیر کتے کی طرح ہو۔
ایسے احکام کے ذریعے قومی و ملی غیرت سے محروم لوگوں کا مزید ٹیسٹ کیا جاتا ہے کہ خدانخواستہ کہیں ان کے اندر غیرت کی کوئی چنگاری باقی نہ رہ جائے جو کسی وقت بھڑک کر شعلہ بن جائے ۔
اور ہمارے ہم وطن یہ ثابت کرنے پر تلے ہوئے ہیں کہ اے ہمارے آقا ہمارے اندر ایسی کوئی چنگاری باقی نہیں ہے جس سے آپ خوف زدہ ہوں۔
کیا ہر پاکستانی کی آواز یہی نہیں ہے کہ:
اے ہمارے آقا و مالک،ہماری قسمتوں اور روزیوں کے خالق امریکہ!!!!
ہم آپ کےکہنے پر اپنے اصل خالق و مالک کو بھول چکے ہیں۔
آپ کہیں، کھڑے ہو جاؤ، ہم کھڑے ہو جاتے ہیں۔
آپ کہیں، بیٹھ جاؤ، ہم بیٹھ جاتے ہیں۔
آپ کہیں، وہ گیند اٹھا لاؤ، ہم بھاگ کر اٹھا لاتے ہیں۔
آپ کہیں،اپنے لوگوں کو ماردو، ہم مار دیتے ہیں۔
ہم اپنی عدالتوں کے ہوتے ہوئے ،کسی پر کوئی الزام لگائے بغیر،کوئی تحقیق کیے بغیر،دوست دشمن کی پرواہ کیے آپ کے حکم پر بلا تفریق سب کو بھون سکتے ہیں۔
ہم آپ کے حکم پر کسی کو بھی کہیں سے اٹھا کرمار سکتے ہیں۔
ہم اپنے بچوں کے مستقبل کو آپ کے حکم پر جہنم بنا سکتے ہیں۔
ہم آپ کے حکم پر اپنے ہی ملک میں قتل و غارت کر سکتے ہیں۔
ہم مہنگائی ،ظلم،رشوت،لوڈشیڈنگ،بھوک ،افلاس،برداشت کرسکتے ہیں۔۔۔۔۔۔۔۔۔۔۔۔۔۔۔لیکن اے ہمارے آقا و مالک امریکہ!!!
ہم آپ کو ناراض نہیں کرسکتے۔۔۔۔
مگر آپ ہیں کہ ہماری وفاداریوں پر شک کرتے ہیں۔
اور ہر بار Do More کے تقاضے کرتے ہیں۔

__________________
عابد

کنعان

السلام علیکم جناب

پوری دنیا میں ترقی یافتہ ملکوں میں پہلے سی ہی ایکسرے سکینر لگے ہوئے ہیں اور پاکستان میں بھی ضرور ہونگے لیکن بتاتے نہیں، پاکستان میں جب ایمگریشن والے جامع تلاشی لیتے ہیں تو وہ ایک سکین بکس کے اندر سے بندے کو گزارتے ہیں اور وہ لکڑی کا ڈبہ نہیں ہوتا بلکہ سکینر ہوتا ھے۔ اس کے بعد وہ ہاتھوں سے جو بندے کو چیک کرتے ہیں تو وہ بھی کسی سکینر سے کم نہیں ھے۔

رہی بات جو آپ نے کتے کی مثال دی ھے تو اس پر پھر آپ کو ہی پتہ ہو گا جو خود ہی آئیڈیے لگا لیتے ہیں اپنا شمار کتوں میں کرنے کے لئے، یہ مسلمانوں کے شیر سمجھتے ہیں اور اسی لئے یہ ان سے خوف زدہ ہیں یہ جانتے ہیں کہ مسلمان شیر اپنے مذھب کے لئے اپنی جان دینے سے بھی دریغ نہیں کرتے۔

پوری دنیا کا خدا اللہ سبحان تعالی ہی ھے، کوئی امریکہ کی نماز نہیں پڑھتا جو امریکہ کو خدا بنانا ھے، پوری دنیا کا نظام بھی دنیا کے بنائے ہوئے سسٹم سے چل رہا ھے۔ امریکہ سے دشمنی کر کے کوئی بھی ملک اپنا معاشی نظام نہیں چلا سکتا۔

پاکستان کی اسمبلی میں جو بیٹھے ہوئے ہیں ان میں اکثریت ان پڑھ جاگیر داروں اور جرائم پیشہ لوگوں کی ھے، ملک کو چلانے کے لئے پڑھے لکھے بندوں کی ضرورت ہوتی ھے اور جن کا کریکٹر بھی صاف ہو۔

دوسرں‌ کو الزام دینے سے کچھ نہیں ہوتا اپنے اندر دیکھنا چاہئے۔

والسلام

یاسر عمران مرزا

صرف ایک بات سے اختلاف کروں گا، امریکہ کی دشمنی لے کر بھی ہم زندہ رہ سکتے ہیں اور امریکہ کی معاشی مدد کے بغیر بھی ہم چل سکتے ہیں
جیسے ایران
شمالی کوریا
ملائشیا
اصل میں‌ہمارے دلوں میں دنیا کی محبت پیدا ہو چکی ہے، اٍفغانستان کے لوگ ہمیشہ جہاد کے دلدادہ رہے ہیں، انہوں نے پہلے روس کو مار بھگایا، اب ان شاءاللہ امریکہ اور دیگر گیارہ مغربی طاقتوں ، نیٹو افواج کو مار بھگائیں گے۔ افغانستان کی 34 میں سے 33 ریاستوں میں امریکہ شکست کھا چکا ہے اور اس کی مالی حالت تباہی کے دھانے پر ہے، اپنی شکست اور ناکامی کو چھپانے کے لیے کبھی وہ القاعدہ کے پاکستان میں ہونے کے دعوے کرتا ہے، کبھی یمن ، کبھی سوڈان میں،
اصل میں امریکہ کچھ بھی نہیں ہے،
ہماری سیاسی قیادت بے غیرت ہے، ہمارے ایم این اے، ایم پی اے، دیگر سیاسی جماعتوں کے قائدین جو بھی امریکہ سے ڈرتے ہیں وہ سب بھی اور ان کے بعد جو پاکستانی عوام امریکہ کے نیچے لگ جانے کو درست سمجھتے ہیں وہ بھی۔۔۔۔
کیا ہو گا اگر امریکہ ہماری مدد چھوڑ دے گا، ہم ہفتے میں دو دن بھوکے سو جایا کریں گے، امریکہ ہم پر بموں کی بارش کر دے گا ؟ لیکن ہم مریں گے تو عزت سے نا
نبی کریم صل اللہ علیہ والہ وسلم اس بات کے پیش گوئی کر چکے ہیں کہ ہمارے دلوں میں موت کا خوف بیٹھ جائے گا اور دنیا کی محبت جاگ جائے گی، اور یہی ہو رہا ہے۔

__________________
عرفی تومیندیش ذغوغائے رقیباں - آواز سگاں کم نہ کند رزق گدارا
میرا بلاگ | yasirimran.wordpress.com

کنعان

السلام علیکم

آپ کو سسٹم کا نہیں پتہ اس لئے آپ اختلاف کر سکتے ہیں اگر تھوڑا سا بھی پتہ ہوتا تو میں آپ کو ضرور مزید معلومات فراہم کرتا خیر، اور جو نام آپ نے لکھے ہیں ان ممالک میں ابھی تک ایسے بحرانوں کی نوبت نہیں آئی جو بحران پاکستان میں آگے کی طرف بڑھ رہے ہیں۔ پاکستان پر ابھی کوئی پابندی نہیں لگی پھر بھی وہاں پر آٹا، چینی، بجلی، گیس، پانی کے بحران اور پھر اوپر خودکش کے نام پر انسانی قتل عام ہو رہا ھے اور اگر کوئی پابندی لگ جائے تو اس کا نتیجہ اسی سے اخذ کر سکتے ہیں، لکھنے کی کوئی ضرورت نہیں۔

وہ ممالک اتنی ترقی پر ہیں کہ اپنے اندر ہر چیز پیدا کر رہے ہیں۔ پھر بھی وہ ان حالات کا ابھی تک مقابلہ کر رہے ہیں۔

اب پتہ نہیں آپ کو یاد ہو یا نہیں جب نواز شریف گورنمنٹ میں انڈیا نے ایٹمی دھماکے کئے تھے تب پاکستان کی عوام نے بھی بہت زور دیا تھا کہ تم بھی دھماکے کرو، تو نواز شریف نے کہا تھا کہ دھماکے کئے تو ملک میں ملکی برآمدات ، درآمدات بند ہو جائیں گی، پابندیاں لگ جائیں‌ گی فاقہ کشی سے عوام بھوکی مر جائے گی، تب عوام نے یہ کہا تھا کہ ہم گھاس کھا لیں گے مگر شکوہ نہیں کریں گے دھماکے کئے جائیں، جب پاکستان نے ایٹمی دھماکے کئے تو وہی ہوا فاقہ کشی ہوئی اور عوام نے نواز شریف کے گالیاں‌ نکالنی شروع کر دیں۔

پاکستان نے جو پیٹرول نکلتا ھے پاکستان کو اسے نکالنے کی اجازت نہیں پاکستان کی سطح اوپر ھے اور ایران کی سطح نیچے ھے، وہ سارا ایران کی طرف جاتا ھے اس کے ساتھ پرانا معاہدہ ھے، پاکستان کو پیٹرول باہر سے خریدنا پڑتا ھے۔

آپ کی سوچ کے زاویے سے میں نے یہ کچھ نمونے پیش کئے ہیں اگر آپ کا اختلاف دور نہ ہو تو مزید گفتگو جاری رکھ سکتے ہیں مگر کسی پوانٹ کے مطابق اپنا اختلاف واضع کر کے۔

والسلام

طاھر

السلام علیکم،

دوسرے ممالک اور پاکستان میں ایک بہت واضح فرق ہے کہ ہمارے حکمران کرپٹ ہیں، نہ صرف کرپٹ بلکہ اپنے ملک سے بھی وفادار نہیں۔ یہ صورتحال دوسرے ممالک کی نہیں ہے۔ حکمران کیوں‌کرپٹ ہیں کیونکہ ہماری عوام میں ابھی اس بات کا شعور ہی نہیں ہے کہ یہ کر کیا رہے ہیں اور انہیں کیسے روکا جائے۔ گاؤں دیہات کے ووٹرز کی بات چھوڑیں کراچی، لاہور، پنڈی، فیصل آباد اور پشاور جیسے بڑے اور پڑھے لکھوں کی آبادی والے شہروں‌کے ووٹرز کو دیکھیں۔ سب جانتے بوجھتے صرف علاقائیت، لسانیت، فرقہ واریت، گروہی، خاندانی اور نہ جانے کن کن چکروں‌میں ووٹ ڈال کر صرف کرپٹ لوگوں کو اوپر لے کر آتے ہیں۔ حشر یہی ہونا ہے اور ہوتا رہے گا۔ ہمارا ملک ہے، نیک لوگوں کی دعائیں‌ہیں اور اللہ نے بے شمار نعمتوں سے نوازا ہوا ہے جبھی 62 سالوں سے چل رہا ہے، ورنہ ہمارا حشر بھی افریقی ممالک جیسا ہو چکا ہوتا۔

والسلام

طاہر

__________________
ہمیں خبر ہے لٹیروں کے سب ٹھکانوں کی
شریک جرم نہ ہوتے تو مخبری کرتے