صنف نازک اپنی خوبصورتی کے بارے میں اس قدر پریشان رہتی ہیں کہ اپنی دل کشی و خوبصورتی میں اضافے اور جاذب نظر دکھائی دینے کی خاطروہ کسی بھی حد تک جاسکتی ہیں۔ بناؤ سنگھار اور خوبصورتی نمایاں کرنے والی مصنوعات کا استعمال آج کل کے داؤ پیچ نہیں بلکہ صدیوں سے چلے آرہے ہیں جس کی مثال ایک فرانسیسی عورت کی موت سے بھی جُڑی ہے۔سولہویں صدی میں فرانس کے شاہی تخت پر براجمان ہنری دوم کی محبوبہ ڈایانی کا مقبرہ اور باقیات پچھلے سال دریافت ہوئے جن سے اس کی موت سے جڑے کئی اہم انکشافات سامنے آئے۔ اس زمانے میں سونے کے پانی کو آب حیات اور عمر اور خوبصورتی میں اضافے کا ضامن فرض کیا جاتا تھا۔ ملکہ کے بالوں سے حاصل کردہ ڈی این اے سیمپل میں اونچی سطح پر سونے کے ذرات پائے گئے ہیں۔ سائنسی و طبعی ماہرین کے مطابق ڈایانی نے غالباً سونے کا عمر بڑھانے والا عرق نوش فرمایا تھا جس کی تیاری میں شامل پارے نے ان کے پورے جسم اور بالوں کو تباہ و برباد کردیا۔ واضح رہے کہ ڈایانی ہنری دوم سے عمر میں 20 سال بڑی تھی اور سُرخ و سپید چہرے کی رنگت اور چہرے کا نکھار و خوبصورتی اسے اصل عمر سے آدھی عمر کا حامل بناتا تھا، لیکن پھر بھی مفروضہ آبِ حیات کا جام نوش کرنا اس کے احساسِ کمتری کو نمایاں کرتا ہے۔

__________________
ناراضگی ظاہر کرنا دل میں برائی رکھنے سے بہتر ہے۔