خود پر گزرنے والی کیفیت کو گانوں میں بیان کرتا ہوں،عطاءاللہ عیسٰی خیلوی

**گلاب خان** · 08-01-11, 05:52 AM

منی بدنام ہوئی جیسے گانے نہیں سنتا، جیو کے’اٹھو جاگو پاکستان‘ میں ڈاکٹر شائستہ واحدی سے گفتگو
کراچی(جنگ نیوز) معروف گلوکار عطاء اللہ خان عیسیٰ خیلوی نے کہا ہے کہ فلموں میں کام کرنا مجبوری نہیں رواداری تھی، میرا عشق زندگی کا حصہ ہے، منی بدنام ہوئی جیسے گانے نہیں سنتا،راحت فتح علی بہت اچھا گاتے ہیں، دھابے کی دال پسند ہے،خود پر گزرنے والی کیفیت کو گانوں میں بیان کرتا ہوں۔ انہوں نے ان خیالات کا اظہار جیو ٹی وی کے پروگرام ”اٹھو جاگو پاکستان“ میں میزبان ڈاکٹر شائستہ واحدی سے گفتگو کرتے ہوئے کیا۔ فلاحی کاموں کے حوالے سے انہوں نے کہا کہ میں اپنے ہم وطن سیلاب زدگان بھائیوں کی مدد کے لئے رمضان البارک اور سخت گرمیوں میں ننگے پیر باہر نکلا، ہمارے علاقوں میں ریت بہت زیادہ ہے، ہم اتنا چلے تھے کہ پاﺅں میں چھالے پڑ گئے تھے، اس درد میں بھی راحت ہوتی ہے کیونکہ جو تلخ حقیقت نظر آرہی ہوتی ہے وہ زیادہ تکلیف دہ ہوتی ہے، ہمارے اپنے لوگ دکھ میں ہوں تو کون سکون سے گھر بیٹھ سکتا ہے۔ فلم میں اداکاری کے بارے میں انہوں نے کہا کہ میرے مزاج میں رواداری کوٹ کوٹ کر بھری ہوئی ہے، مجھ سے انکار نہیں ہوتا، ایک پروڈیوسر ظہور گیلانی نے کہا کہ میری فلم کے لئے ”قمیص تیری کالی“ گاﺅ، میں نے کہا کہ میں پلے بیک سنگر نہیں ہوں لیکن آپ کے لئے گا دیتا ہوں میں نے اسٹوڈیو جاکر گانا ریکارڈ کرادیا بعد میں انہوں نے کہا کہ کہ یہ گانا آپ اپنے اوپر پکچرائز بھی کرائیں میں نے کہا بھی کہ یہ میرا کام نہیں ہے لیکن مرحوم دوست سلطان راہی نے کہا کہ آپ یہ کام کرلیں، میں نے ان کے کہنے پر فلم میں پرفارم بھی کرلیا۔ میں نے ٹوٹل چار فلمیں کی ہیں اور فلم میں اپنا کام دیکھ کر شرمندگی ہوئی کہ مجھے یہ کام نہیں کرنا چاہئے تھا، میں نے اپنی چاروں فلموں میں سے ایک بھی پوری نہیں دیکھی۔ انہوں نے کہا کہ کچھ عادتیں قبر تک ساتھ جاتی ہیں، اب توآخری عمر میں ہم کیا خاک مسلمان ہوں گے۔ کچھ کام اللہ کی جانب سے دیئے جاتے ہیں، میں نے خود کچھ نہیں کیا سب اللہ نے کرایا۔ میرا عشق میری زندگی کا حصہ تھا، وہ بہت کم عمری کا عشق تھا اس لئے اس کا اثر بہت زیادہ ہے، کم عمری میں دل و دماغ بہت حساس ہوتے ہیں اور جو کچھ بھی ہو وہ مرتے دم تک ساتھ رہتا ہے۔ اس چہرے کی جانب واپس جانے کا دل تو بہت چاہتا ہے لیکن میری وجہ سے کسی کی زندگی متاثر ہو یہ میں کبھی نہیں چاہوں گا، محبت تو احترام سکھاتی ہے، واپس لوٹنے کے لئے اب بہت دیر ہو چکی ہے۔ مجھے میوزک کی الف ب نہیں آتی ، میں خود پر گزرنے و الی کیفیت کواپنے گانوں میں بیان کرتا ہوں۔ عطا ءاللہ خان عیسیٰ خیلوی اپنے محبوب کے بارے میں بات کرتے ہوئے آبدیدہ ہو گئے، انہوں نے کہا کہ میں انہیں آج بھی بھولا نہیں ہوں۔ نجی زندگی کے بارے میں انہوں نے بتایا کہ میرے چار بچے ہیں، تین بیٹے لندن میں اور ایک بیٹی یہاں ہے، ”منی بدنام ہوئی اور شیلا کی جوانی“ جیسے گانے نہیں سنتا، راحت کے کچھ گانے سنے ہیں، راحت بہت اچھا گاتے ہیں، انہوںنے نصرت فتح علی خان کے پیروں میں بیٹھ کر سیکھا یہ ان کی خوش نصیبی ہے، ہماری دعائیں ان کے ساتھ ہیں، عیسیٰ خیلوی نے اپنے مداحوں کو پیغام دیتے ہوئے کہا کہ محبت ایک پاکیزہ جذبہ ہے، اس میں اپنی غرض شامل نہ کریں ، محبوب کا احترام کریں۔ کچھ سوالوں کے مختصر جوابات دیتے ہوئے انہوں نے کہا کہ گھر سے باہر جاتے وقت میرے سامان کی پیکنگ زیادہ تر میری اہلیہ کرتی ہیں، کچھ چیزیں خود رکھنا پڑتی ہیں جیسے کتابیں اور موسیقی کے آلات، میں سرائیکی پنجابی، اردو ، سندھی زبانوں میں گا چکاہوں، میری عمر سفر میں زیادہ گزری ہے، دھابے پر کھانے کے بہت اتفاق ہوئے ہیں، دھابے کی دال آج بھی بہت شوق سے کھاتا ہوں، کچھ شرارتی بچے کہتے ہیں کہ گانا سنا دیں ، گزرتی گاڑیوں میں میرے گانے چلتے ہیں تو بہت اچھا لگتا ہے، کچھ عرصہ میں جرمنی ایک شو کے لئے گیا وہاں موٹر وے پر ہماری گاڑی خراب ہوگئی، میرے ہمراہ ایک ساتھی بھی تھا، کافی دیر لفٹ کے لئے کوشش کی لیکن موٹر وے پر کوئی لفٹ دینے کو تیار نہ ہوا، اچانک ایک گاڑی رکی، ڈرائیور کارریورس کر کے ایمرجنسی ٹریک پر لایا اور ہمیں بیٹھنے کو کہا، اس لڑکے نے مجھ سے کہا کہ آپ نے شلوار قمیص پہنی ہوئی ہے اس طرح میں سمجھا کہ آپ پاکستانی ہیں، یہاں ایمرجنسی ٹریک پر تین دن تک بھی کھڑے رہتے تو کوئی آپ کو لفٹ نہیں دیتا۔ گاڑی اسٹارٹ ہوئی تو اس لڑکے نے ٹیپ ریکارڈر چلایا تو کار میں میری آواز گونجنے لگی، مجھے جرمنی جیسے ملک میں اپنے مداح دیکھ کر بہت خوشی ہوئی، میرے ساتھی نے اسے بتایا کہ تم جس کی آواز سن رہے ہو وہ ساتھ ہی بیٹھے ہیں، وہ لڑکا یہ سن کر بہت خوش ہوا اور اس نے کہا کہ میں کسی دوسرے شہر جارہا تھا لیکن اب میں پہلے آپ کو چھوڑنے جاﺅں گا اور آپ کا شو دیکھوں گا۔ اپنے ملک کی موٹر وے پر اکثر گاڑیوں میں میرے گانے بج رہے ہوتے ہیں اور کسی گاڑی پر میری تصویر لگی ہوتی ہے۔

**عروج** · 18-06-11, 04:12 PM

لو جی آج تفصیلی انٹرویو بھی پڑھ لیا۔

**ھارون اعظم** · 18-06-11, 04:16 PM

یعنی خود غمگین ہو تو دوسروں کو بھی رلاتا ہے۔

18-06-11, 04:12 PM	#2
عروج Senior Member تاریخ شمولیت: Aug 2010 مقام: islamabad عمر: 40 مراسلات: 3,708 کمائي: 43,221 شکریہ: 11,479 2,270 مراسلہ میں 5,225 بارشکریہ ادا کیا گیا	لو جی آج تفصیلی انٹرویو بھی پڑھ لیا۔ Share Share this post on Digg Del.icio.us Technorati Twitter Facebook!

18-06-11, 04:16 PM	#3
ھارون اعظم ذیلی ناظم تاریخ شمولیت: Dec 2007 مراسلات: 5,256 کمائي: 121,563 شکریہ: 15,097 4,238 مراسلہ میں 12,929 بارشکریہ ادا کیا گیا	یعنی خود غمگین ہو تو دوسروں کو بھی رلاتا ہے۔ Share Share this post on Digg Del.icio.us Technorati Twitter Facebook!

موضوع کے اختیارات
Show Printable Version Email this Page
ظاہری انداز	Rate This Thread
Linear Mode Switch to Hybrid Mode Switch to Threaded Mode	Rate This Thread:

Similar Threads
موضوع	موضوع شروع کیا	فورم	جوابات	آخری مراسلہ
راولپنڈی سمیت ملک کے 10 بڑے شہروں پر آبادی میں اضافے کا زبردست دباﺅ	گلاب خان	خبریں	0	25-02-11 05:59 AM
اچھے عیسٰی ہو،	Wahid Mahmood	امیر مینائی	5	03-12-10 10:32 PM
راولپنڈی: مسجد میں خودکش حملہ،17بچوں سمیت 37نمازی شہید	فاروق سرورخان	خبریں	1	05-12-09 12:59 AM
گزشتہ تین ماہ مین اولپنڈی میں 7 خود کش حملوںمیں 70 اہلکاروں سمیت 103 افراد ہلاک	وجدان	خبریں	0	04-02-08 10:02 AM
جج ہوں،عدالت جاؤں گا: بھگوان	چاچا کمال	خبریں	0	04-11-07 09:54 PM

Currently Active Users Viewing This Thread: 1 (0 members and 1 guests)