خیبر ایجنسی :وادیء تیراہ قبائلی تصادم ،29 افراد ہلاک ،6 گھر جلادیئے گئے
پشاور(ٹی وی رپورٹ)خیبر ایجنسی کے علاقے وادی تیراہ میں دو متحارب قبائل کے درمیان تصادم میں 29افرادہلاک اورمتعدد زائد زخمی ہوگئے،جبکہ متحاربین نے 6گھروں کو بھی جلاڈالا۔ قبائلنے ایک دوسرے کے ٹھکانوں پر مارٹرگولوں اورراکٹوں سے آزادانہ حملے کئے جس کے باعث علاقے میں سخت کشیدگی پھیل گئی اور آمدورفت کے تمام راستے بندہوگئے۔تفصیلات کے مطابق خیبر ایجنسی کے علاقے وادی تیراہ میں قبائل کے دومتحارب گروپوں کے درمیان گزشتہ دوروز سے جاری تصادم نے شدت اختیار کرلی ہے متحارب قبائل کے درمیان تصادم نے ہفتہ کی صبح شدت اختیار کی اور ایک دوسرے کے ٹھکانوں پر بھاری ہتھیاروں سے حملے کیے دونوں قبائل نے ایک دوسرے کے خلاف مارٹرگولوں،راکٹوں اورخودکار ہتھیاروں سے فائرنگ کی جس کی وجہ سے29افراد جاں بحق اورمتعدد زخمی ہوگئے دوطرفہ فائرنگ سے متعد گھروں کو بھی شدید نقصان پہنچا ہے،6گھر جلادیئے گئے تاہم لوگوں کی بروقت نقل مکانی کی وجہ سے ان گھروں میں زیادہ جانی نقصان نہیں ہوا ،جھڑپوں کی وجہ سے علاقے میں سخت کشیدگی پھیلی ہوئی ہے اور آمدورفت کے راستے بند ہوگئے ہیں۔

__________________