نیویارک ... سابق وزیر اعظم بینظیر بھٹو نے اپنے قتل سے کئی ہفتے پہلے ایک امریکی جریدے کو انٹرویو میں اپنی زندگی کو لاحق خطرات سے آگاہ کردیا تھا۔امریکی جریدے کو دیئے گئے انٹرویو میں بینظیر بھٹو کا کہنا تھا کہ دہشت گردوں کو ڈر ہے کہ ایک خاتون سیاسی رہنما پاکستان میں جدیدنظام لانے کے لیے جنگ لڑ رہی ہے۔لاڑکانہ میں دیئے گئے اس انٹرویو میں بینظیر بھٹو نے کہا تھا کہ اب ان کے دشمن ان کو مارنا چاہتے ہیں ۔میگزین کی کاپی اکیس دسمبر کو پریس میں چلی گئی تھی اور بینظیر کی شہادت والے دن اس کی تقسیم ہوئی ۔