کانفرنس کا آغاز ہو چکا ہے

اس لنک پہ براہ راست نشریات دیکھی جا سکتی ہیں


لاہور ۔۔۔۔ دفاع پاکستان کونسل کی امریکہ اور نیٹو کی جارحیت کے خلاف دفاع پاکستان کانفرنس آج مینار پاکستان گراؤنڈ میں ہوگی دن گیارہ بجے شروع ہونے والی کانفرنس کے حوالہ سے وسیع پیمانے پر تیاریاں و انتظامات کئے گئے ہیں لاہور اور اس کے گردونواح سے تمامتر مکاتب فکر اور شعبہ ہائے زندگی سے تعلق رکھنے والے لاکھوں افرادمینار پاکستان پہنچ کر ملکی سلامتی و استحکام کیلئے کردار ادا کرنے کا عزم کریں گے کانفرنس کے حوالہ سے لاکھوں افراد کیلئے بہت بڑا پنڈال بنایا گیا ہے جماعۃالدعوۃ کے ہزاروں کارکنان مینار پاکستان گراؤنڈ کے ارد گرد سکیورٹی کے فرائض سرانجام دیں گے جلسہ گاہ کیلئے مینار پاکستان کے چبوترے کو سٹیج بنایاگیا ہے جبکہ الیکٹرونک و پرنٹ میڈیا اور جید علماء کرام، شیوخ الحدیث ، مشائخ عظام اور دیگر اہم شخصیات کیلئے الگ سے جگہ بنائی گئی ہے سٹیج پر مرکزی قائدین تشریف فرما ہوں گے پنڈال کے چاروں اطراف میں بڑے ہورڈنگز، خوبصورت بینرزاور پرچم لگائے گئے ہیں جس سے مینار پاکستان کا تاریخی گراؤنڈ شاندار منظر پیش کر رہا ہے دفاع پاکستان کونسل کی جانب سے کانفرنس کیلئے لاہور اور اس کے گردونواح میں زبردست تشہیری مہم چلائی گئی ہے شہر کی تمام شاہراہیں، پبلک مقامات اور گلی محلے اشتہارات، بینروں، ہورڈنگز اور سائن بورڈز سے سجے نظر آتے ہیں جماعۃالدعوۃ نے شاہراہ قائد اعظم سمیت بیسیوں مقامات پر استقبالیہ کیمپ لگائے گئے ہیں درجنوں گاڑیوں پر لاؤڈ سپیکر لگا کر اعلانات کئے جارہے ہیں کانفرنس میں شرکت کیلئے صوبائی دارالحکومت لاہور کے رہائشیوں میں دفاع پاکستان کانفرنس میں شرکت کیلئے زبردست جوش و خروش پایا جاتا ہے

یاد رہے کہ اس کانفرنس میں‌ جماعت الدعوہ کے ساتھ ساتھ جماعت اہلسنت پاکستان ،جمعیت علماء اسلام،جمعیت علماء پاکستان،مدرسہ عربیہ رائے ونڈ،جماعت اسلامی،عوامی مسلم لیگ،مسلم لیگ ضیاء اور کئی دوسری سیاسی اور مذہبی جماعتیں شرکت کررہی ہیں