10 ستمبر 2010
فلوریڈا(مانیٹرنگ ڈیسک) فلوریڈا کے چرچ کے پادری نے ایک مرتبہ پھر قرآن پاک کو جلانے کی دھمکی دے دی ہے۔پادری ٹیری جونز نے فلوریڈا میں میڈیا سے گفتگو کرتے ہوئے اعلان کیا کہ قرآن کے نسخے نہ جلانے کا فیصلہ نیویارک کے امام کے ساتھ ایک معائدے کے تحت کیا گیا ہے اور اس کے ساتھ ہونے والی ڈیل کے نتیجے میں گراونڈ زیرو پر مجوزہ مسجد کی تعمیر اب کسی اور جگہ کی جائے گی۔ پادری ٹیری جونز نے مزید کہا کہ امریکی شہری نہیں چاہتے کہ قرآن کی بے حرمتی کی جائے۔ فلوریڈا کے چرچ نے نائن الیون کے واقعے کے نو سال مکمل ہونے پر قرآن پاک کے نسخوں کوجلانے کا اعلان کیا تھا جس کی پاکستان سمیت پوری دنیا بھر سے شدید مزمت کی گئی۔دوسری جانب نیویارک کے امام عبدالروف نے مسجد کو کسی اور جگہ منتقل کرنے کی ڈیل سے لاعلمی کا اظہار کیا ہے۔ فلوریڈا کے امام محمد موسیری نے امام عبدالروف کے حوالے سے میڈیا کو بتایا ہے کہ ان کی خواہش ہے کہ مسجد کسی اور مقام پر منتقل کر دی جائے مگر امام عبدالروف نے اس حوالے سے اب تک کوئی حتمی فیصلہ نہیں کیا ہے جس کے بعد پادری ٹیری جونز نے دوبارہ قرآن جلانے کی دھمکی دی ہے اور اسکا کہنا ہے کہ ابھی یہ فیصلہ صرف معطل کیا گیا ہے اس کو ترک نہیں کیا گیا ۔واضح رہے کہ پادری ٹیری جونز نے گزشتہ روز قرآن پاک جلانے کا منصوبہ ترک کر نے کا اعلان کیا تھا۔

__________________
جاویداسد