بیجنگ…فارن ڈیسک… دنیا بھر میں ایک چوتھائی خودکشیاں چین میں ہوتیں ہیں۔ ہر سال چین میں 2لاکھ87ہزار افراد خودکشی کر تے ہیں اور20لاکھ افراد اقدام خودکشی کرتے ہیں۔ چینی اخبارYangCheng کی رپورٹ کے مطابق سالانہ ایک لاکھ میں 23افراد کے خودکشی کرنے کے ساتھیہ شرح دنیا میں سب سے زیادہ ہے۔چین میں موت کی پانچویں وجہ خود کشی ہے۔2002تک چین میں خودکشی کو سنجیدہ نہیں لیاگیا تاہم اس وقت ’چین میں خودکشی کی شرح‘ کے عنوان سے ایک تحقیقی آرٹیکل نے عالمی سطح پر ایک ہلچل مچا دی جس میں یہ انکشاف کیا گیا کہ دنیا میں سب سے زیادہ خودکشیاں چین میں ہوتیں ہیں جس نے اس پر چینی حکومت کی توجہ مبذول کرائی۔چین کے دیہی علاقوں میں خود کشی کی شرح شہروں کی نسبت تین سے پانچ گنا زیادہ ہے۔ اس کے علاوہ خواتین میں مردوں کی نسبت 25فی صد زیادہ خوکشی کے واقعات ہوتے ہیں۔

__________________
جاویداسد