لاہور (رپورٹ : نوید طارق) دنیا کی سب سے بڑی امریکی کمپنی کی آمدنی چھٹی بڑی آبادی والے ملک پاکستان کے سالانہ بجٹ سے 11 گنا جبکہ دوسرے بڑے ملک بھارت کے بجٹ سے 59 فیصد زیادہ ہے۔ دنیا کی 100 بڑی کمپنیوں میں سے 31 امریکی ہیں، صرف 2 کمپنیوں کا تعلق اسلامی ممالک سے ہے، 22 کمپنیاں آئل اور گیس کی ہیں۔ جب ڈویلپمنٹ رپورٹنگ سیل نے فنانشنل ٹائمز گلوبل، فوربس اور مختلف اداروں کی سالانہ رپورٹس سمیت دیگر ذرائع سے حاصل شدہ معلومات کی بنا پر آمدنی کے لحاظ سے دنیا کی 100 بڑی کمپنیوں کی کارکردگی کا جائزہ لیا ہے اس کے مطابق 43 کمپنیوں کا تعلق یورپ، 34 کا براعظم امریکا اور 23 کمپنیوں کا ایشیا سے ہے۔ 8500 اسٹورز پر مشتمل دنیا کی سب سے بڑی امریکی ریٹیل کمپنی، وال مارٹ کی سالانہ آمدنی (408 ارب ڈالر) آبادی کے لحاظ سے چھٹے بڑے ملک پاکستان کے سالانہ بجٹ (36 ارب ڈالر) سے 1100 فیصد سے زیادہ ہے جبکہ کمپنی کی آمدنی آبادی کے لحاظ سے دنیا کے دوسرے بڑے ملک بھارت کے بجٹ (257 ارب ڈالر) سے 59 فیصد زیادہ ہے۔ مہیا اعداد و شمار کے مطابق مذکورہ امریکی ریٹیل کمپنی نے ایک برس کے دوران 27 کروڑ 60 لاکھ ڈالر کی خیرات کی۔ دوسرے نمبر پر آئل و گیس کی برطانوی اور ڈچ کمپنی (Royal Dutch Shell) نے 368، تیسرے نمبر پر آئل و گیس کی امریکی کمپنی (Exxon Mobil) 301، چوتھے نمبر پر آئل و گیس کی برطانوی کمپنی 297(BP)، پانچویں نمبر پر آئل و گیس کی سعودی کمپنی 233 (Saudi Aramco)، چھٹے نمبر پر موٹر کاروں کی جاپانی کمپنی 203 (Motors Toyata) ساتویں نمبر پر کثیر الصنعتی جاپانی کمپنی 200(Japan Post Holdings) آٹھویں نمبر پر آئل و گیس کی امریکی کمپنی 198 (Conoco Phillips) نویں نمبر پر آئل و گیس کی چینی کمپنی 197(Sinopec) نویں نمبر پر خام مال کی ڈس اور سوئس کمپنی 197 (Vitol) اور دسویں نمبر پر آئل کی فرنچ کمپنی (Total S.A) نے 189 بلین ڈالر کی آمدنی حاصل کی۔ دنیا کی 100 بڑی کمپنیوں میں سے امریکا کی سب سے زیادہ 31، جاپان اور جرمنی کی 12،12 فرانس 9، برطانیہ 6، سوئٹزر لینڈ اور اٹلی کی 4 4,، چین اور جنوبی کوریا کی 3 ،3 روس اور اسپین کی ,2 2 جبکہ ہالینڈ و برطانیہ (مشترکہ)، سعودی عرب، سوئٹزر لینڈ اور ہالینڈ کی مشترکہ جبکہ کویت، ہالینڈ، برازیل، بلیجیئم، فن لینڈ، میکسیکو، ناروے، ایران اور وینزویلا کی ایک ،ایک کمپنی ہے۔ دنیا کی 100 بڑی کمپنیوں میں سے 22 آئل و گیس، 10 کثیر الصنعتی جبکہ ریٹل، مالیاتی ادارے، کاریں بنانے کی الگ الگ 9 ،9، ٹیلی کمیونیکیشن کی 7، بنک 5 اس کے علاوہ انشورنس ہیلتھ کیئر، بجلی و گیس کی پیداوار کی الگ الگ 4، خام مال اور الیکٹرونکس کی الگ الگ 3 تین، انفارمیشن ٹیکنالوجی اور پبلک یوٹیلیٹیز کی الگ الگ 2، 2 جبکہ کیمیکل، کنزیومر گڈز، ایرواسپیس، زراعت، فوڈ پراسیسنگ اور انرجی کی صنعت کی الگ الگ ایک ایک کمپنی شامل ہے۔
جنگ

__________________
لا فتی الا علیّ لا سیف الاّ ذوالفقار