افغانستان.. افغان حکام نے کابل ہوٹل دھماکے کی ذمہ دار ی پاکستانی عسکریت پسندوں پر عائد کر دی ہے۔ افغان انٹیلیجنس سروس کے سربراہ عامر اللہ صالح نے میڈیا سے گفتگو کر تے ہوئے کہا کہ کابل کے ہوٹل پر پولیس یونیفارم پہنے ہوئے تین عسکریت پسندوں نے حملہ کیا۔ادھر طالبان نے ریستورانوں اور ہوٹلوں میں مزید خودکش حملوں کی دھمکی دی ہے۔ ان کا تعلق پاکستا ن میں شمالی وزیرستان کے قبائیلی رہنماسراج حقانی سے ہے جوممتاز جہادی رہنما جلال الدین حقانی کے بیٹے ہیں۔عامر اللہ صالح نے کہا کہ حملے کے بعد چار افراد گرفتار کئے گئے ہیں۔ ان کا کہنا تھا کہ حملے میں تین امریکی اور ایک فرانسیسی ہلاک ہوا جبکہ امریکی حکا م نے صرف ایک امریکی کی ہلاکت کی تصدیق کی لیکن اس کی شناخت کو بھی خفیہ رکھا جا رہا ہے ادھر طالبان کے ترجمان ذبیح اللہ مجاہد نے ایک مغربی نیوز ایجنسی کو بتایا کہ طالبان ان تمام ہوٹلوں کو نشانہ بنائیں گے جن میں غیر ملکی ٹہرتے ہیں یا کھانا کھاتے ہیں۔