21-12-11, 05:42 AM
|
#2
|
|
Senior Member
تاریخ شمولیت: Oct 2008
مقام: راولپنڈی
مراسلات: 4,482
کمائي: 94,074
شکریہ: 1,535
2,972 مراسلہ میں 8,225 بارشکریہ ادا کیا گیا
|
دُہری شہریت سے متعلق قانون فرح ناز پہلا شکار بنیں گی
اسلام آباد (رپورٹ: عمر چیمہ) امریکا میں پاکستان کے سابق سفیر حسین حقانی کے مصائب کچھ کم نہیں ہوئے بلکہ انہیں ابھی مزید مشکلات کا سامنا کرنا پڑے گا۔ جب ان کی پاکستانی نژاد امریکی اہلیہ فرح ناز اصفہانی الیکشن کمیشن آف پاکستان کے نئے وضع کردہ قانون کا پہلا شکار بنیں گی۔ گزشتہ پیر کو الیکشن کمیشن نے دہری شہریت کے ارکان پارلیمنٹ کو ان کی رکنیت سے محروم کرنے کا اعلان کیا تھا۔ فرح ناز اصفہانی قومی اسمبلی کی رکن ہیں۔ گوکہ کئی سینیٹرز اور ارکان قومی اسمبلی کے بارے میں دہری شہریت کے حامل ہونے کا شک ہے۔ فرح ناز کی امریکی شہریت سرکاری طور پر ثابت ہے کیونکہ امریکی محکمہ خارجہ نے حسین حقانی کو غیر ملکی سفارتکاروں کی اس فہرست میں شامل کر رکھا ہے جن کی بیویاں امریکی شہریت کی حامل ہیں۔ سیکریٹری الیکشن کمیشن اشتیاق احمد نے بتایا کہ دہری شہریت کے حامل ارکان کی نااہلیت کا قانون موجودہ ارکان پارلیمنٹ اور آئندہ انتخابات لڑنے کے خواہشمند امیدواروں پر ہوتا ہے جبکہ آئین کا آرٹیکل 63(1)C بھی اس قانون کی توثیق کرتا ہے۔ اس طرح الیکشن کمیشن کا وضع کردہ نیا قانون آئین کے عین مطابق بھی ہے الیکشن کمیشن نے وضاحت کی کہ دہری شہریت کے حامل ارکان کے خلاف کارروائی پارلیمنٹ یا عدالت کی ہدایت پر ہوگی۔ تاہم ایسے متعدد ارکان نے الیکشن کمیشن کے نئے قانون پر سپریم کورٹ سے رجوع کرنے کی تیاریاں شروع کر دی ہیں۔ اس سلسلے میں تبصرے کیلئے فرح ناز اصفہانی سے رابطے کی متعدد بار کوششیں کی گئیں جو بار آور ثابت نہ ہوسکیں۔ امریکہ کے تقریباً 110 ممالک سے سفارتی تعلقات ہیں۔ جن میں سے تین ممالک پاکستان، اسرائیل اور ہیٹی کے سفراءکی بیگمات امریکی شہری ہیں۔ فرح ناز اصفہانی نہ صرف رکن قومی اسمبلی ہیں بلکہ وہ انتہائی اہم ایوان صدر میں صدر آصف علی زرداری کی مشیر بھی ہیں۔ برسوں جلا وطنی میں گزارنے والے ایک طاقتور وفاقی وزیر کے بارے میں کہا جاتا ہے کہ وہ برطانوی شہری ہیں۔ اسی طرح پاکستان کی اقتصادی ٹیم کے منیجر اور چیف ڈیولپمنٹ پلانر کی بیگمات بھی امریکی شہری ہیں جبکہ پاکستان کے آڈیٹر جنرل اختر بلند رانا کے پاس کینیڈا کی شہریت ہے۔ موجودہ کابینہ کے ایک اہم رکن کے بارے میں بھی کہا جاتا ہے کہ ان کے پاس کینیڈا کی شہریت ہے۔ ایک انتہائی طاقت ور شخصیت کے دو بیٹوں کی جانب سے کینیڈا کی امیگریشن حاصل کرنے کی اطلاعات ہیں۔
جنگ
|
|
|
Linear Mode
Similar Threads
