26 اگست 2010
دوشنبے(مانیٹرنگ ڈیسک) تاجکستان نے بچوں کو دوسرے ممالک میں دینی تعلیم حاصل کرنے سے منع کردیا ہے اور کہا ہے کہ یہ بچے دوسرے ملکوں کے مدرسون میں تعلیم کی بجائے دہشتگردی اور انتہا پسندی کی تعلیم حاصل کرتے ہیں۔تاجکستان کے صدر امام علی رخمون نے والدین پر زور دیا ہے کہ وہ بیرون ممالک کے مذہبی اداروں سے اپنے بچوں کو واپس بلوا لیں۔ سرکاری ٹی وی کے مطابق تاجک صدرنے کہا ہے کہ بہت سے والدین کا خیال ہے کہ اسلامی ممالک کے مدرسوں میں بھیجنے سے ان کے بچوں کو مستقبل میں مالی فوائدحاصل ہونگے۔ان کاکہنا تھا کہ بدقسمتی سے بچے علماءسے کی بجائے دہشتگردوں سے تعلیم حاصل کرتے ہیں۔رخمون نے مذہبی امور کی کمیٹی کو ہدایات جاری کی ہیں کی وہ اندازہ لگائے کہ ملک میں کتنے مزہبی علماءکی ضرورت ہے اور ان بچون کو ایسے اداروں میں بھیجا جائے جن کا مقصد انتہا پسندی اور دہشتگردی نہ ہو۔مذہبی امور کی کمیٹی نے دو ماہ قبل ھکومت کو رپورٹ دی تھی کہ تاجکستان کے درجنون لوگ بیرون ممالک مذہبی اداروں میں تعلیم حاصل کر رہے ہیں۔

__________________
جاویداسد