السلامُ علیکم

نئی دہلی (مانیٹرنگ ڈیسک)ایک بھارتی سوامی نے انکشاف کیا ہے کہ بھارت میں ہونے والی دہشت گردی میں پاکستان نہیں بلکہ انتہاءپسند ہندو ملوث ہیں۔ ایک امریکی اخبار واشنگٹن پوسٹ میں چھپنے والی ایک رپورٹ کے مطابق گرفتار ہندو پادری سوامی اسینند نے مجسٹریٹ کے سامنے اعتراف کیاکہ دہشت گرد مسلمان ہیں اور نہ ہی پاکستانی بلکہ انتہاءپسند ہندو ہیں اور وہ اِس سے قبل مسلمانوں کی طرف سے کیے گئے ظلم کے بدلے پر تُلے ہوئے ہیں جبکہ سوامی نے 2006ءمیں ہندوﺅں کے ایک چھوٹے سے گروپ میں ملاقات کے دوران کہاکہ بم کے ساتھ بم کا جواب دینا چاہیے۔ بعد ازاں سوامی نے میڈیاکو بتایاکہ ملک کے ہندو قوم پرستوں کی اکثریت مسلمانوں کے خلاف عسکریت پسندوں کی مدد کررہے ہیں جبکہ بھارتی پولیس میں بھی مسلمانوں کے خلاف تعصب پایا جاتاہے۔ سوامی نے افسوس کا اظہار کرتے ہوئے کہاکہ بدقسمتی سے ایسے واقعات نے پاکستان اور بھارت کے درمیان ممبئی حملوں کے بعد ختم ہونے والے مذاکرات کو دوبارہ مذاکرات پر آمادہ کرنے میں مدد دی ہے جس سے اُن کے تمام تر مقاصد خاک میں مل گئے ہیں ۔ واضح رہے کہ جب بھی بھارت میںمزاروں اور مسجدوں میں حملے ہوتے ہیں توہر واقع کے بعد مسلمانوں کو گرفتارکرکے تشدد کا نشانہ بنایاجاتا حالانکہ اِن حملوں میں متاثرین کی ایک بڑی تعداد بھی مسلمانوں کی ہے۔ بھارتی حکام کہتے تھے کہ نئی دہلی سے واشنگٹن تک تمام حملوں کے ذمہ دار پاکستانی عسکریت پسند اور اُن کے بھارتی ہمدرد ہیں جن کا مقصد بھارت میں مذہبی کشیدگی پیدا کرکے جوہری ہتھیاروں سے مسلح حریفوں کے درمیان امن عمل میں خلل ڈالناہے۔

بشکریہ روزنامہ پاکستان