04 دسمبر 2010
ٹھٹھہ (مانیٹرنگ ڈیسک)پاکستان سے بھارت جانے والی تھر ایکسپریس دہشت گردی کی کاروائی سے بال بال بچ گئی اور اگرچہ اُس کا انجن اورچند بوگیاں پٹری اُڑائے جانے کے باعث ٹریک سے اُتر گئیں لیکن ریل گاڑی میں سوارتمام مسافر محفوظ رہے۔تفصیلات کے مطابق ٹھٹھہ کے علاقے دھابیجی کے قریب پٹری پر بم نصب کرکے دھماکے خیز مواد سے اُڑا دیا گیا جس سےریل گاڑی کا انجن اور دو بوگیاں پٹری سے اتر گئیں تاہم کوئی جانی نقصان ہوااورمتاثرہ بوگیوں کو نکال کر تھر ایکسپریس کو دوبارہ اُس کی منزل کی جانب روانہ کردیا گیا۔یاد رہے کہ تھر ایکسپریس میں موناباﺅ کے راستے پاکستان سے بھارت جانے کے خواہاں افراد سفر کرتے ہیں۔ ریلوے حکام کے مطابق کراچی سے 67 کلومیٹر کے فاصلے پر دھابیجی کے مقام پر پاکستان سے بھارت جانے والی تھر ایکسپریس کی پٹری کودھماکہ خیز مواد سے اُڑانے کی کوشش کی گئی تاہم حادثے میں صرف دو بوگیاں پٹری سے اتر گئیں اور کسی قسم کا جانی نقصان نہیں ہوا۔دھماکے سے پٹری کا تقریبا دو فٹ ٹکڑا اُکھڑ گیا جس کی وجہ سے ٹرین کا انجن اور دو بوگیا ںپٹری سے اُتر گئیں۔واقعے کے فوری بعد بم ڈسپوزل سکواڈ اور پولیس کی نفری کو موقع پر طلب کرلیا گیا تھا۔متعلقہ اداروں نے بم کے ٹکڑے جائے حادثہ سے اٹھاکر تفتیش کیلئے اپنے قبضے میں لے لئے۔ڈی ایس ریلوے آفتاب میمن نے مقامی میڈیا کو بتایا کہ تھر ایکسپریس ایک گھنٹہ تاخیر کے بعد کینٹ سٹیشن سے رات تقریبا ً 12بجے روانہ ہوئی تھی اور دھابیجی کے قریب تخریب کاری کا نشانہ بنی۔ اُن کا کہنا تھا کہ حادثے کی اطلاع ملتے ہی کراچی اور کوٹری سے امدادی ٹرینیں روانہ کردی گئیںاور ریلوے کنٹرول آفس میں ایمرجنسی نافذ کردی گئی۔ڈی ایس ریلوے کے مطابق تھر ایکسپریس میں 150 مسافر سوار ہیں جبکہ متاثرہ بوگیوں کے مسافروں کو ٹرین کے بقیہ ڈبوں میں سوار کرکے بھارت کیلئے روانہ کردیا گیا۔تھر ایکسپریس کو روانہ کردیا گیا۔اُن کا کہنا تھا کہ دھماکے کے نتیجے میں کوئی جانی نقصان نہیں ہوا تاہم اپ ٹریک پر ریلوے ٹریفک معطل ہو گئی تھی جسے کچھ دیر بعد بحال کردیاگیا۔اُن کا کہنا تھا کہ واقعہ دہشت گردی کی کوشش ہوسکتی ہے۔تحقیقات کے لئے ایس پی ریلوے اور ڈی سی او پورٹ پر مشتمل کمیٹی قائم کردی گئی ہے۔ واضح رہے کہ اس سے پہلے بھی حیدر آباد اور اس کے مضافات میں ریلوے ٹریک دھماکا خیز مواد سے آڑائے جاچکے ہیں۔

__________________
جاویداسد