السلامُ علیکم

چیئرمین نیب کی برطرفی کے سپریم کو رٹ کے فیصلے کے خلاف پیپلزپارٹی کی اپیل پرکراچی سمیت سندھ بھر میں آج ہڑتال کی جارہی ہے ۔کراچی میں جلاؤ گھیراؤ کے واقعات کے دوران 7 افراد جاں بحق ہوگئے ہیں۔ ہڑتال کی وجہ سے صبح کے وقت سڑکوں پر پبلک ٹرانسپورٹ دستیاب نہ ہونے سے شہریوں کو شدید مشکلات کا سامنا کرنا پڑا، تعلیمی ادارے اور پیٹرول پمپس بھی بند ہیں۔
پیپلزپارٹی سندھ سپریم کورٹ کی جانب سےچیئرمین نیب جسٹس ریٹائرڈ دیدار حسین شاہ کی تقرری کو کالعدم قراردئیے جانے کے خلاف یوم احتجاج منارہی ہے۔ اس موقع پر ٹرانسپورٹرز اور تاجروں سے کاروبار بند رکھنے کی اپیل کی گئی ہے۔ کراچی میں صبح کو سڑکوں پر پبلک ٹرانسپورٹ سڑکوں سے غائب ہے اکا دکا گاڑیاں چل رہی ہیں۔ جس کے باعث بس سٹاپوں پر لوگوں کا رش ہے. دفاتر اور ضروری کاموں کے لئے جانے والوں کو شدید مشکلات کا سامنا ہے۔ رکشا اورٹیکسی ڈرائیورز من مانا کرایہ وصول رہے ہیں۔وزیر تعلیم سندھ کی جانب سے اعلان کے باعث سکول اور جامعات بند ہیں ۔امتحانات بھی ملتوی کردئیے گئے ہیں۔ شہر کے مختلف علاقوں میں پیٹرول پمپس بھی بند ہیں۔ دوسری طرف پیپلز پارٹی کی جانب سے سندھ میں آج ہڑتال کے اعلان کے بعد کراچی میں جلاؤ گھیراؤ کے واقعات میں 7 افراد ہلاک ہوگئے جبکہ 10گاڑیوں کو نذر آتش کردیا گیا۔

دُنیانیوز