کراچی(مانیٹرنگ ڈیسک)فیڈرل بورڈ ریونیو کی جانب سے رواں سال انکم ٹیکس گوشواروں میں ایک نئے فارم کا اضافہ کیا گیا ہے جس میں انکم ٹیکس جمع کرانے والوں کو اپنے ذاتی اخراجات کا اندراج کرنا ہو گا۔کراچی ٹیکس بار کے صدر علی رحیم نے کہا ہے کہ اس سال سال ٹیکس جمع کرانے کی آخری تاریخ تبدیل کر کے 31 ستمبر کی بجائے31 اگست کر دی گئی ہے ۔ جیو نیوزکے پروگرام ایک سے دو میںگفتگو کرتے ہوئے انہوں نے کہا کہ اگرچہ ایف بی آر نے اس فارم سے متعلق ہدایات جاری کر دی ہیں لیکن ٹیکس بار کو فارم کے حوالے سے کچھ اعتراضات ہیںجن کے بارے میں ایف بی آر کو آگاہ کر دیا گیا ہے۔ ان کا کہنا تھا کہ اس فارم کے حتمی استعمال سے متعلق ابھی تک فیصلہ سامنے نہیں آیا۔ انہوں نے بتایا کہ فارم میںذاتی اخراجات کے حصوں کا ذکر نہیں ہے۔ علی رحیم نے بتایا فارم کا مقصد ان لوگوں کو صحیح ٹیکس نیٹ میں لانا ہے جو اپنی آمدنی کم ظاہر کر کے اصل آمدنی کے حساب سے ٹیکس ادا نہیں کرتے۔

__________________
جاویداسد