دن ڈھلنے کے قریب تھا اچانک میرے ذہن میں ایک سوال گردش کرنے لگا، راجہ اکرام الحق - پاک نیٹ‌ کے ممبرز کے لئے کسی تعارف کے محتاج نہیں- کا تعلق ضلع سانگھڑ سے ہے جو کے سیلاب سے شدید متاثر ہوا ہے، راجہ جی سے ٹیلی فونک رابطہ کیا اور انکے بارے آگاہی ھاصل کی۔
راجہ صاحب فرماتے ہیں میں عید منانے اپنے آبائی گاؤں سانگھڑ آیا، شروع کے دن بہت اچھے گزرے، عید کے بعد بارشوں کا لا متناہی سلسلہ شروع ہو جو تا حال جاری ہے۔ ہمارا گھر اپنی زمینوں میں ہے جبکہ گاوں تین میل کے فاصلے پر ہے، گرمیوں کے موسم کی اس برسات کو ہر کوئی معمول کی بارش سمجھ کر بے فکر تھا۔ لیکن چند دن کی بارش سے گردو نواں کے ندی نالوں میں طغیانی برپا ہونے لگی۔ ہم نے اپنی فیملی کو شہر شفٹ کر دیا اگرچہ اس وقت تک بارش کے بارے یہ گمان نہیں کیا جا سکتا تھا جو اب صورت حال ہے۔ خیر برسات کا یہ سلسلہ دو ہفتوں پر محیط ہوا تو ہمارے گھر کے چاروں اطراف ایک ایک فٹ پانی جمع ہوگیا۔ دو ہفتوں کی بارش کے باوجود روڈ پر ٹریفک چل سکتی تھی۔ اب جب بارشوں کو ایک ماہ ہوچکا، اب ہر طرف پانی ہی پانی نظر آتا ھے اور اگر گھر کی چھت پر چھڑ کر دیکھا جائے تو سمندر کی مانند تا حد نگاہ پانی ہے چاولوں کو فصل جو چند دنوں میں کتنے والی تھی اسکا نامو نشان تک کہیں نظر نہیں آتا۔ کپاس کی فصل -جو تقریبا پانچ فٹ سے اونچی تھی مکمل طور پر پانی میں ڈوبی ہوئی ہے ۔ بس کہیں کہیں گنے کی فصل کے سرے نظر اتے ہیں جو تقریبا سات آٹھ فٹ اونچی تھی۔
میڈیا بدین اور ٹھٹھہ کی کوریج کر رھا ہے اور سانگھڑ کے بارے میں لا علم ہے۔ (جاری (

__________________
اپنے لیے تو ہر کوئی جیتا ہے آئیں اوروں کے لیے جینا سیکھیں