راولپنڈی…راول پنڈی کے علاقے صدرمیں پریڈلین کی مسجد میں نمازجمعہ کے وقت کئے جانے والے دہشت گردوں کے حملے میں17معصوم بچوں سمیت37نمازی شہید جبکہ75سے زائدزخمی ہو گئے۔ آئی ایس پی آر نے37افراد کے شہید 75 کے زخمی ہونے کی تصدیق کی ہے، جن میں 7 آفیسر، تین سپاہی اور 17بچے اور 10 شہر ی شامل ہیں۔حملوں کے بعدسکیورٹی فورسز کی جوابی کارروائی میں 4 دہشت گرد مارے گئے۔

شہداء میں میجر جنرل عمر بلال،بریگیڈئیر عبدالرؤف ،لیفٹیننٹ کرنل منظور سعید ،لیفٹیننٹ کرنل فخر، میجر زاہد،میجر ریٹائرڈ شعیب ،ڈپٹی ڈائریکٹر این ایل سی تسکین ،نائیک مسعود،سپاہی عبدالقیوم ،بلال ریاض ولد میجر جنرل نسیم ریاض،علی حسن ولد کرنل شبیر،حسن ولد کرنل شخران،سیدالحسن ولد لیفٹیننٹ کرنل فخر،ضامن ولد انجنیئر اکمل حسین،قیصر خان ولد سید اکبر،عادل راؤف ولد عبدالرؤف،محمد خان ولد سلطان بخش،فضل خان ولد مددخان،خالد جاوید ،غلام مجتبیٰ،جاوید ولد غنی خان،محمد فیاض ،اسد ودیگر شامل ہیں جبکہ زخمیوں سابق وائس آرمی چیف جنرل ریٹائرد محمد یوسف بھی شامل ہیں ان کے بازوپرزخم آئے ہیں۔

دوسری جانب آر پی اوراولپنڈی اسلم ترین کے مطابق پریڈ لائن مسجد میں فائرنگ اور خود کش حملے میں40 افراد شہید اور 83 زخمی ہوگئے۔پولیس ذرائع کے مطابق جمعہ کی دوپہرتقریباًایک بجے سلوررنگ کی گاڑی میں سوار دہشت گردپریڈلین کے علاقے میں پہنچے۔انہوں نے کالونی روڈ کے گردبنی دیوار کے ساتھ سیڑھی لگائی اوراندرداخل ہوگئے۔جیسے ہی یہاں واقع مسجدمیں نمازجمعہ شروع ہوئی تودہشت گرد مسجدمیں جاگھسے اورنمازیوں پردستی بم پھینکتے ہوئے اندھا دھند فائرنگ شروع کردی۔اس کے فوراًبعددودہشت گردوں نے خود کو دھماکے سے اڑالیا۔واقعہ میں17بچوں سمیت37 نمازی شہیدجبکہ75سے زائدزخمی ہوگئے۔زخمیوں کو ملٹری اسپتال ، سی ایم ایچ اور ڈی ایچ کیو اسپتال منتقل کیا گیا ۔

دہشت گردی کے واقعہ کی اطلاع ملنے کے بعدسکیورٹی فورسز نے علاقے کو گھیرے میں لے لیااوربھرپورکارروائی کرتے ہوئے چارحملہ آوروں کوہلاک کر دیا۔اس دوران فوجی ہیلی کاپٹرزکے ذریعے فضائی نگرانی بھی کی جاتی رہی ۔سکیورٹی فورسز نے جائے وقوع سے ایک کار بھی قبضے میں لے لی جو مبینہ طور پر دہشت گردوں نے وہاں آنے کیلئے استعمال کی ۔دہشت گردی کے اس واقعہ میں پریڈلین مسجدکاایک حصہ بھی شہیدہوگیا۔جس علاقے میں یہ مسجدواقع ہے وہاں پاک فوج کے ریٹائرڈ اور حاضرافسران بھی رہائش پذیرہیں۔

__________________
فاروق سرور خان
ترے ضمیر پہ جب تک نہ ہو نزول کتاب
گرہ کشـا ہے نـہ رازی نـہ صـا حب کشـاف