راولپنڈی ۔۔۔۔۔راولپنڈی سے دس کروڑ روپے تاوان کے لیے اغوا کیے گئے دو تاجروں کو بازیاب کراکے دو خواتین سمیت چھ ملزمان کو گرفتار کرلیا گیاہے۔پولیس ذرائع کے مطابق راولپنڈی کے دو مقامی تاجروں ارشد اور شہباز بھٹی کو نومبر میں اغوا کیا گیا تھا۔ پولیس نے دو ماہ تک موبائل ٹریکنگ سسٹم سے ملزمان کے ٹھکانوں کا پتہ چلایا اور منگل اور بدھ کی درمیانی شب کیرج فیکٹری کے نزدیک ایک مکان سے مغویوں کوبازیاب کرالیا ۔ دونوں مغوی کو زنجیروں اور ہتھکڑیوں سے باندھ کر رکھا گیا تھا۔ پولیس نے موقع سے دو خواتین سمیت چھ ملزمان کو گرفتار کرلیا جن کا تعلق افغانستان سے بتایا جارہا ہے۔