(اُردو پوائنٹ)وزیر اعلی پنجاب شہباز شریف کا کہنا ہے کہ داتا دربار دھماکے میں شہید ہونے والے رضا کار سلیم اختر کی فرض شناسی کا بدلہ کسی طرح نہیں دیا جا سکتا،انھوں نے لواحقین کے لئےتیس لاکھ روپے امداد کا اعلان کیا۔سرگودھامیں شہید رضا کار سلیم اختر کے گھر پر اہل خانہ سے تعزیت کے دوران انہوں نے کہا کہ شہید کے نام پر گاؤں سڑک، گرلز اسکول اور ڈسپسنری قائم کی جائے گی ۔شہید کے بچوں کے مالی کفالت اور تعلیمی اخراجات حکومت پنجاب برداشت کرے گی۔وزیر اعلی پنجاب نے کہا کہ دہشتگردوں کے خلاف پوری قوم کو متحد ہوناہوگا جبکہ حکومت ان تمام کارروائیوں میں ملوث افراد کو کیفر کردار تک پہنچائے گی۔ انہون نے کہا کہ گورنر پنجاب کو ن ہں وہ نہیں جانتے جبکہ رحمن ملک کے بیانات صوبوں مین انتشا ر پھیلا رہے ہیں ۔انھوں نے کہا کہ وہ نہیں جانتے گورنر پنجاب کون ہیں۔
ڈاکٹر بابر اعوان نے کہا کہ داتا کی نگری پکار رہی ہے کہ اس مشکل گھڑی میں نقلی شیر کہاں چھپے بیٹھے ہیں ۔پنجاب حکومت امن و امان کے قیام میں مکمل طور پر ناکام ہوچکی ہے، اسے مستعفی ہوجانا چاہیئے۔ یہ بات انہوں نے ساہیوال میں پارٹی کارکنوں سے خطاب کر تے ہوئےکہی ۔بابراعوان کا کہنا تھا کہ پیپلز پارٹی آئندہ عام انتخابات میں پنجاب میں کلین سوئپ کرے گی۔ان کا کہنا تھا کہ پنجاب کی جیلوں میں ورکروں کو چھوڑ کر بھاگ جانے والے شریف برادران پیپلز پارٹی کو شکست نہیں دے سکتے۔انہوں نے مزید کہا کہ وردی والا بھاگ گیا ہے اور اس کے چمچے پیپلز پارٹی کی حکومت کیخلاف سازشیں کر کے اسے ناکام بنانا چاہتے ہیں ۔ پیپلز پارٹی ا ور کارکنان ان سازشوں کو ڈٹ کر مقابلہ کرے گی۔
داتا دربار پر پیپلزپارٹی کی سیکیریٹری اطلاعات فوزیہ وہاب کی آمد پر زائرین نے حکومت کے خلاف شدید نعرے بازی کی ،جبکہ اس سے قبل چوہدری پرویز الہی اور وزیر اعلی پنجاب شہبا ز شریف کی آمد پر بھی شہریوں اور زائرین نے حکومت کے خلاف اپنے شدید رد عمل کا اظہار کیا تھا۔داتا دربار پر ہونے والے افسوسناک سانحہ پر زائرین کا کہنا ہے کہ کسی سیاسی رہنما کو حادثے کے نام پر اپنی سیاست چمکانے نہیں دی جائے گی۔ داتا دربار پر سیاسی رہنماؤں کی آمد پر زائرین نے نعرے بازے کرکے کسی بھی سیاسی رہنما کو بیان بازی سے روک دیا۔