رسول بخش بروہی کیس: 10 پولیس اہلکاروں کی ضمانت پر رہائی کا حکم



نواب شاہ (بیورو رپورٹ) ڈسٹرکٹ اینڈ سیشن جج نواب شاہ سید کوثر بخاری کی عدالت نے لیاری ٹاسک فورس کے ہاتھوں جعلی مقابلے میں مارے جانے والے محنت کش رسول بخش بروہی قتل کیس میں گرفتار 10 پولیس اہلکاروں جن میں اسحاق لاشاری، آصف جمیل، مجیب الرحمن، محمد اقبال نیازی، سرور کمانڈو، میر فروش، عبدالغنی خٹک، ناصر الحسن، محمد اقبال اور ہدایت اللہ شامل ہیں کی 5-5 لاکھ روپے کی ضمانت منظور کرتے ہوئے انہیں رہا کرنے کا حکم دیا ہے۔ ملزمان کے وکیل محمد شریف سیال نے جنگ کو بتایا کہ عدالت کے حکم کے بعد 2 ملزمان اسحاق لاشاری اور آصف جمیل کی زر ضمانت جمع کرادی گئی ہے جبکہ عدالت کا وقت ختم ہونے کی وجہ سے دیگر ملزمان کی زر ضمانت ہفتے کو جمع کرائی جائیں۔