السلام علیکم
رواں مالی سال کے سات ماہ کے دوران مہنگائی کی شرح چودہ اعشاریہ پانچ پانچ فیصد رہی جبکہ جنوری میں یہ ایک اعشاریہ تین فیصد ریکارڈ کی گئی۔
وفاقی ادارہ شماریات کے سیکرٹری آصف باجوہ اور ڈائریکٹر جنرل عارف محمود چیمہ نے نیوزکانفرنس میں بتایا کہ دسمبر کی نسبت جنوری میں مہنگائی کی شرح میں ایک اعشاریہ تین فیصد اضافہ ہوا سب سے زیادہ اضافہ مصالحہ جات کی قیمتوں میں تینتالیس اعشاریہ آٹھ سات فیصد ریکارڈ کیا گیا۔
ٹماٹر کی قیمت میں پچیس فیصد اضافہ ہوا بڑے پیمانے پر برآمد کئے جانے کے باوجود پیاز کی قیمت میں پچیس فیصد اور آلو کی قیمت میں اکیس فیصد کمی ہوئی۔
مونگ کی دال ایک سو دس فیصد مہنگی ہوئی جبکہ پیاز تیراسی فیصد، چینی چھیالیس اور سبزیوں کی قیمتوں میں چالیس فیصد سے زائد اضافہ ریکارڈ کیا گیا۔
سورس: اے آر وائی ون ورلڈ
زارا