امریکہ میں ہونے والی ایک طبی تحقیق میں کہا گیا ہے کہ روزانہ 30 منٹ کی باقاعدہ ورزش زندگی کے عرصہ کو 30 سال طویل کر سکتی ہے۔ عارضہ قلب، دماغ کی شریان پھٹنے اور اچانک اموات کے دیگر عوامل کے خطرات 50 فیصد کم ہو سکتے یں اور روزمرہ زندگی کا معیار 60 فیصد بہتر ہو سکتا ہے۔ تحقیق واشنگٹن کے ایک معروف میڈیکل سنٹر میں ہوئی۔ تحقیق کرنے والے ماہرین نے کہاکہ درمیانی عمر اور بوڑھے لوگوں کو روزانہ 30 منٹ ورزش ضرور کرنی چاہئے یا پھر 30 منٹ تک پیدل چلنے کی عادت اپنانی چاہئے۔ اس تحقیق کے دوران 40 سے 70 سال کی عمر کے 15 ہزار 660 افراد کی زندگیوں کا مطالعہ کیا گیا تھا۔