روزنامہ جنگ اور جیو ٹی وی کے واشنگٹن بیورو چیف ‘ نیر زیدی جیل میں؟

**Real_Light** · 27-07-08, 02:02 PM

روزنامہ جنگ اور جیو ٹی وی کے واشنگٹن بیورو چیف ‘ نیر زیدی جیل میں؟

دنیا میں اردو کے بڑے پاکستانی اخبار ‘ جنگ اور اس کے ذیلی نشریاتی ادارے “ جیو ٹی وی “ کے واشنگٹن بیورو کے سربراہ نیر زیدی امریکہ کی ایک جیل میں پچھلے تین ماہ سے مقید ہیں جب کہ واشنگٹن میں پاکستانی سفارتخانہ کے اہلکار ان کی گرفتاری سے بے خبر ھیں ۔

نیو جرسی امریکہ سے شائع ہونے والے ایک اخبار کے مدیر اعلیٰ ارشاد سلیم نےکہاہے کہ چند روز قبل واشنگٹن میں پاکستان کے معروف صحافی روزنامہ جنگ اور جیو ٹی وی کے بیورو چیف نیر زیدی کی اہلیہ نے انہیں ٹیلیفون کر کے بتایا کہ اُن کے شوہر کو امریکی حکام نے مارچ کے مہینے سے حراست میں لے کر جیل میں مقید کر رکھا ہے ۔ اور وہ خود انھیں کچھ دستاویزات ارسال کر رہی ہیں اور وہ چاہتی ہیں کہ انہیں شائع کیا جائے ۔

---- نیر زیدی کی اہلیہ کو اپنا ایڈریس اور اپنا فیڈرل اکاؤنٹ نمبر بھی دے دیا تاکہ وہ انہیں مذ کورہ دستاویزات ارسال کر سکیں ۔ اور پھر دوسرے ہی روز انہیں مذ کورہ دستاویزات کا بنڈل موصول بھی ہو گیا ۔ جس میں دیگر کاغذات کے علاوہ اُن خطوط کی نقول بھی تھیں جو نیر زیدی کی اہلیہ نے امریکی جسٹس حکام اور ایف بی آئی کے محکمےکو لکھے تھے ۔ ان میں نیر زیدی کے اپنے ہاتھ کے لکھے ہوئے کچھ نوٹس اور تجزیاتی نکات بھی تھے ۔

روزنامہ جنگ اور جیو ٹی وی کے امریکہ میں بیورو چیف نیر زیدی پچھلے بیس اکیس سال سے ورجینیا میں رہائش رکھتے ہیں اور وہ ایک معروف و معتبر کالم نویس ہونے کے علاوہ جیو ٹی وی ‘ سی این این اور بی بی سی اردو سروس کے لیے ایک سیاسی تجزیہ کار کے طور پر کام کرنے والے ایسے صحافی ہیں جنہیں عالمی میڈیا میں کافی شہرت حاصل ہے ۔

اب نیر زیدی نے اوہیو میں اپنی حوالات سے خود انہیں ٹیلیفون کیا ہے اور چونکہ وہ خود اس بات سے بخوبی آگاہ تھے کہ ٹیلیفون پر کی جانے والی ان دونوں کی گفتگو ریکارڈ کی جا رہی ہے لہٰذا اس کا موضوع صرف نیر زیدی کی حراست ہی کے گرد گھومتا رہا ۔ یا پھر ان دستاویزات و دیگر اہم کاغذات کے متعلق بات ہوتی رہی جو نیر زیدی کی بیوی شاھین زیدی نے انہیں ارسال کئے تھے ۔

نیر زیدی کی فون پر گفتگو کا اصل مقصد ان کی جانب سے اپنے لیے مدد کی درخواست کرنا تھی ۔ نیر زیدی نے انہیں یہ بھی بتایا کہ وہ اوہیو میں اپنی پیشہ وارانہ صحافتی ذمہ داریوں کے تحت “ انصاف کی مزاحمت “ کے موضوع پر ان افراد کے بارے میں جانکاری حاصل کرنے کی خاطر اوہیو گئے تھے جو وہاں پر دہشتگردی کے قوانین کے تحت نظر بند ہیں ‘ لیکن انہیں خود وہاں حراست میں لے لیا گیا اور اب انہیں وہیں مقید رکھا جا رہا ہے جہاں یہ مبینہ دہشتگرد مقید ہیں یا زیر حراست ہیں ۔ اور اب انہیں اپنے خلاف مقدمے کے شروع ہونے کا انتظار ہے

نیر زیدی کے بقول انہیں سنہ انیس سو پچانوے سے نشانہ بنانے کی کوششیں کی جا رہی تھیں ایف بی آئی کے حکام نے سنہ دو ہزار تین میں پہلی بار نیر زیدی سے رابطہ کرکے ان سے پوچھا تھا کہ اگر رہ اُن کے لیے یعنی ایف بی آئی کے لیے ایک “ مخبر “ کے طور پر کام کرنا چاہئیں گے ۔ جس پر انہوں نے انکار کردیا تھا ۔

نیر زیدی کا یہ بھی کہنا ہے کہ انہوں نے اس معاملے کو بڑی سنجیدگی سے لیا اور انہوں نے ایف بی آئی کے عہدیداروں کے خلاف ‘ انصاف میں رکاوٹ ڈالنے کے حوالے سے کیس بھی کر رکھا ہے

امریکہ میں روزنامہ جنگ اور جیو ٹی وی کے بیورو چیف نیر زیدی کی یہ ساری داستان رنج و غم اور جیل میں ان کی صورت حال کے بارے میں خود ان کی زبانی سننے کے بعد ----نے واشنگٹن میں پاکستان کے سفارتخانے سے منسلک پریس اتاشی کو ٹیلیفون کیا اور ان سے نیر زیدی کے امریکی جیل میں مقید ہونے کے متعلق استفسار کیا تو سفارتخانہ کے پریس اتاشی‘ کیانی صاحب نے بتایا کہ انہیں نیر زیدی کے زیر حراست ہونے کے بارے میں ‘ امریکہ میں پاکستان کے سفیر حسین حقانی سے آج ہی معلوم ہوا ہے اور خود سفیر پاکستان حسین حقانی کو نیر زیدی کے معاملے کے متعلق معلومات پاکستان سے ملی ہیں ۔

واشنگٹن میں پاکستانی سفارتخانہ کے پریس اتاشی کیانی صاحب کے مطابق ‘ سیفر پاکستان حسین حقانی امریکہ میں روزنامہ جنگ اور جیو ٹیلیویژن کے بیورو چیف نیر زیدی کی حراست اور ان کی صحت و بہبود کے متعلق باقاعدہ جانکاری حاصل کرنے والے ہیں ۔ امریکہ میں موجود غیر ملکی صحافیوں اور خاص کر پاکستانی صحافیوں اور خود پاکستانی برادری میں یہ سوال اٹھایا جا رہا ہے کہ نیر زیدی جیسے پاکستان کے معتبر صحافی ‘ عالمی سیاسی تجزیہ کار اور دنیا میں اردو کے بڑے اخبار جنگ اور اس کے ذیلی نشریاتی ادارے “ جیو “ ٹیلیویژن کے بیورو چیف کی امریکہ میں گرفتاری اور پچھلے تین ماہ سے انہیں جیل میں رکھا جانا‘ واشنگٹن میں پاکستانی سفارتخانے کے اعلیٰ حکام کے علم میں آنے سے کیسےپیچھے رہ گیا؟ کیا پاکستان کی وزرات خارجہ کے حکام ‘ وزیر اطلاعات و نشریات شیری رحمٰن یا پھر واشنگٹن میں پاکستانی سفیر حسین حقانی اس سوال کا کوئی جواب دے سکتے ہیں ؟

**Real_Light** · 31-07-08, 08:38 PM

امریکہ: نیر زیدی پر انتہائی گھٹیا مقدمات بنا دیے گئے۔

معروف صحافی اور کالمنسٹ اور جیو ٹی وی کے واشنگٹن میں بیورو چیف نیر زیدی کی گرفتاری اور انہیں پچھلے تین ماہ سے زیر حراست رکھے جانے کی وجوہات سامنے آئی ہیں اور ان پر امریکی حکام کی جانب سے مزید سخت قسم کے لگائے گئے الزامات بھی سامنے آئے ہیں۔ ذرائع کیمطابق امریکہ میں اوہایو ریاست سے شائع ہونے والے روزنامہ دی انڈیپنڈنٹ نے لکھا ہے کہ ‘ نیر زیدی جن کا اصلی نام سید حیدر زیدی ہے انہیں بیس مارچ سنہ دو ہزار آٹھ میں امریکی ایف بی آئی کے حکام نے گرفتار کیا تھا ۔ نیر زیدی بذات خود ووڈ بریج ‘ ورجینیا میں رہائش رکھتے ہیں ۔ چونسٹھ سالہ نیر زیدی کو بلدین نامی ایک گاؤں کی ایک پارکنگ سے حراست میں لیا گیا تھا۔ رپورٹ کے مطابق ‘ اس سے پہلے انٹرنیٹ کرائمزآگینسٹ چلڈرن ٹاسک فورس سے متعلقہ ایف بی آئی اور مقامی پولیس کے حکام کم و بیش دو ماہ تک نیر زیدی کی حرکات و سکنات پر نگاہ رکھے رہے اور بڑے حساس طریقوں سے ان کی نگرانی کرتے رہے تھے ۔ حکام کی جانب سے نیر زیدی پر لگائے گئے مبینہ الزام کے مطابق ‘ وہ ایک تیرہ سالہ کم عمر لڑکی کے ساتھ جنسی فعل کرنے کی نیت سے جیکسن ٹاؤن شپ میں گئے تھے ۔
نیر زیدی پچھلے تین ماہ سے جس جیل میں مقید یا زیر حراست ہیں اس جیل کے ریکارڈ سے معلوم ہوتا ہے کہ نیر زیدی نے انٹرنیٹ پر ایک لڑکی سے تعلقات پیدا کئے اور پھر اس کے ساتھ جنسی فعل یعنی مباشرت کرنے کے لیے بلدین گاؤں کے علاقے میں وقت و تاریخ مقرر کی ۔ اور جائے مقررہ پر پہنچے بھی۔ اپنے آپ کو کم عمر ظاہر کرنے والی یہ لڑکی جس کے ساتھ نیر زیدی نے مبینہ طور پر تعلقات استوار کئے تھے وہ دراصل پولیس حکام یا ایف بی آئی کے لیے کام کرتی اور ان کی ‘‘ خفیہ ایجنٹ ‘‘ تھی ۔ گرفتاری کے بعد نیر زیدی پر ایک کم عمر لڑکی کے ساتھ غیر قانونی جنسی فعل کرنے کی کوشش کرنے کا مبینہ الزام لگاتے ہوئے فرد جرم عائد کردی گئی ۔ ان پر یہ الزامات بھی لگائے گئے کہ انہوں نے ایک بچی کی زندگی کو خطرے میں ڈالنے اور اس کے لیے انتہائی عریاں و فحش طریقے استعمال کئے۔ نیر زیدی کے وکیل جیفری ہاوپٹ کا کہنا ہے کہ ظاہر یوں ہوتا ہے کہ ان کے مؤکل کو ینگس ٹاؤں کے یو ایس ڈسٹرک کورٹ میں پیش کیا جا سکتا ہے ۔ انہوں نے یہ بھی کہا کہ وہ نیر زیدی کے کیس کے بارے میں مقامی حکام اور امریکی وفاقی عہدیداروں سے بات چیت کر تے رہے ہیں۔ نیر زیدی کے وکیل جیفری ہاوپٹ نے مزید کہا کہ ان کے مؤکل کے خلاف یہ مقدمہ امریکی وفاقی عدالت میں بھی جا سکتا ہے اور اس کی بظاہر کئی وجوہات دکھائی دیتی ہیں ۔ انہوں نے ان وجوہات سے پردہ اٹھانے سے اجتناب کرتے ہوئے صرف یہی کہنے پر اکتفا کیا کہ نیر زیدی نے ریاستی قانون کی حد عبور کی ہے ۔ ان کے خلاف مواد کی نوعیت کچھ اس قسم کی ہے کہ اس میں ایک کم عمر لڑکی سے غیر قانونی جنسی فعل کرنے کو شش کرنے کا مبینہ الزام بھی شامل ہے جو کہ بہت ہی گھناؤنا اور سخت قابل تعزیر ہے ۔
وکیل جیفری ہاوپٹ نے یہ بھی کہا تھا کہ ان کے مؤکل کے خلاف اگر مقدمہ وفاقی سطح پر چلایا گیا تو ممکن ہے نیر زیدی پر لگائے گئے مقامی الزامات ختم کر دیئے جائیں۔
ادھر آج جب پاکستان کے وزیر اعظم یوسف رضا گیلانی امریکہ کے دورے پر واشنگٹن میں ہیں اسلام آباد میں وزارت خارجہ نے اپنے ایک بیان میں کہا ہے کہ اسے نیر زیدی کی امریکہ میں گرفتاری کا علم اخبارات میں شائع ہونے والی خبروں سے آج ہی ہوا ہے ۔ اور وہ اس سلسلے میں راست اقدام لے رہی ہے۔
مختلف تجزیہ نگاروں کا کہنا ہے کہ نیر زیدی کو انکے امریکی حکومت پت تحقیقی و تنقیدی کالم لکھنے کی سزا دی جا رہی ہے اور ان کے گرد 1995ء ہی سے پھندہ تنگ کیا جارہا تھا۔

31-07-08, 08:38 PM	#2
Real_Light Senior Member تاریخ شمولیت: Apr 2008 مقام: Islamic Republic of Pakistan مراسلات: 3,203 کمائي: 17,178 شکریہ: 3,117 988 مراسلہ میں 1,962 بارشکریہ ادا کیا گیا	جواب: روزنامہ جنگ اور جیو ٹی وی کے واشنگٹن بیورو چیف ‘ نیر زیدی جیل میں؟ امریکہ: نیر زیدی پر انتہائی گھٹیا مقدمات بنا دیے گئے۔ معروف صحافی اور کالمنسٹ اور جیو ٹی وی کے واشنگٹن میں بیورو چیف نیر زیدی کی گرفتاری اور انہیں پچھلے تین ماہ سے زیر حراست رکھے جانے کی وجوہات سامنے آئی ہیں اور ان پر امریکی حکام کی جانب سے مزید سخت قسم کے لگائے گئے الزامات بھی سامنے آئے ہیں۔ ذرائع کیمطابق امریکہ میں اوہایو ریاست سے شائع ہونے والے روزنامہ دی انڈیپنڈنٹ نے لکھا ہے کہ ‘ نیر زیدی جن کا اصلی نام سید حیدر زیدی ہے انہیں بیس مارچ سنہ دو ہزار آٹھ میں امریکی ایف بی آئی کے حکام نے گرفتار کیا تھا ۔ نیر زیدی بذات خود ووڈ بریج ‘ ورجینیا میں رہائش رکھتے ہیں ۔ چونسٹھ سالہ نیر زیدی کو بلدین نامی ایک گاؤں کی ایک پارکنگ سے حراست میں لیا گیا تھا۔ رپورٹ کے مطابق ‘ اس سے پہلے انٹرنیٹ کرائمزآگینسٹ چلڈرن ٹاسک فورس سے متعلقہ ایف بی آئی اور مقامی پولیس کے حکام کم و بیش دو ماہ تک نیر زیدی کی حرکات و سکنات پر نگاہ رکھے رہے اور بڑے حساس طریقوں سے ان کی نگرانی کرتے رہے تھے ۔ حکام کی جانب سے نیر زیدی پر لگائے گئے مبینہ الزام کے مطابق ‘ وہ ایک تیرہ سالہ کم عمر لڑکی کے ساتھ جنسی فعل کرنے کی نیت سے جیکسن ٹاؤن شپ میں گئے تھے ۔ نیر زیدی پچھلے تین ماہ سے جس جیل میں مقید یا زیر حراست ہیں اس جیل کے ریکارڈ سے معلوم ہوتا ہے کہ نیر زیدی نے انٹرنیٹ پر ایک لڑکی سے تعلقات پیدا کئے اور پھر اس کے ساتھ جنسی فعل یعنی مباشرت کرنے کے لیے بلدین گاؤں کے علاقے میں وقت و تاریخ مقرر کی ۔ اور جائے مقررہ پر پہنچے بھی۔ اپنے آپ کو کم عمر ظاہر کرنے والی یہ لڑکی جس کے ساتھ نیر زیدی نے مبینہ طور پر تعلقات استوار کئے تھے وہ دراصل پولیس حکام یا ایف بی آئی کے لیے کام کرتی اور ان کی ‘‘ خفیہ ایجنٹ ‘‘ تھی ۔ گرفتاری کے بعد نیر زیدی پر ایک کم عمر لڑکی کے ساتھ غیر قانونی جنسی فعل کرنے کی کوشش کرنے کا مبینہ الزام لگاتے ہوئے فرد جرم عائد کردی گئی ۔ ان پر یہ الزامات بھی لگائے گئے کہ انہوں نے ایک بچی کی زندگی کو خطرے میں ڈالنے اور اس کے لیے انتہائی عریاں و فحش طریقے استعمال کئے۔ نیر زیدی کے وکیل جیفری ہاوپٹ کا کہنا ہے کہ ظاہر یوں ہوتا ہے کہ ان کے مؤکل کو ینگس ٹاؤں کے یو ایس ڈسٹرک کورٹ میں پیش کیا جا سکتا ہے ۔ انہوں نے یہ بھی کہا کہ وہ نیر زیدی کے کیس کے بارے میں مقامی حکام اور امریکی وفاقی عہدیداروں سے بات چیت کر تے رہے ہیں۔ نیر زیدی کے وکیل جیفری ہاوپٹ نے مزید کہا کہ ان کے مؤکل کے خلاف یہ مقدمہ امریکی وفاقی عدالت میں بھی جا سکتا ہے اور اس کی بظاہر کئی وجوہات دکھائی دیتی ہیں ۔ انہوں نے ان وجوہات سے پردہ اٹھانے سے اجتناب کرتے ہوئے صرف یہی کہنے پر اکتفا کیا کہ نیر زیدی نے ریاستی قانون کی حد عبور کی ہے ۔ ان کے خلاف مواد کی نوعیت کچھ اس قسم کی ہے کہ اس میں ایک کم عمر لڑکی سے غیر قانونی جنسی فعل کرنے کو شش کرنے کا مبینہ الزام بھی شامل ہے جو کہ بہت ہی گھناؤنا اور سخت قابل تعزیر ہے ۔ وکیل جیفری ہاوپٹ نے یہ بھی کہا تھا کہ ان کے مؤکل کے خلاف اگر مقدمہ وفاقی سطح پر چلایا گیا تو ممکن ہے نیر زیدی پر لگائے گئے مقامی الزامات ختم کر دیئے جائیں۔ ادھر آج جب پاکستان کے وزیر اعظم یوسف رضا گیلانی امریکہ کے دورے پر واشنگٹن میں ہیں اسلام آباد میں وزارت خارجہ نے اپنے ایک بیان میں کہا ہے کہ اسے نیر زیدی کی امریکہ میں گرفتاری کا علم اخبارات میں شائع ہونے والی خبروں سے آج ہی ہوا ہے ۔ اور وہ اس سلسلے میں راست اقدام لے رہی ہے۔ مختلف تجزیہ نگاروں کا کہنا ہے کہ نیر زیدی کو انکے امریکی حکومت پت تحقیقی و تنقیدی کالم لکھنے کی سزا دی جا رہی ہے اور ان کے گرد 1995ء ہی سے پھندہ تنگ کیا جارہا تھا۔ Share Share this post on Digg Del.icio.us Technorati Twitter Facebook!

موضوع کے اختیارات
Show Printable Version Email this Page
ظاہری انداز	Rate This Thread
Linear Mode Switch to Hybrid Mode Switch to Threaded Mode	Rate This Thread:

Similar Threads
موضوع	موضوع شروع کیا	فورم	جوابات	آخری مراسلہ
ریمنڈ فلوریڈا میںسکیورٹی کمپنی چلاتا ہے: امریکی ٹی وی	گلاب خان	خبریں	0	02-02-11 03:38 AM
زیادہ ٹی وی کے دیکھنے سے دل کا دورہ پڑنے کا ۔۔؟	جاویداسد	دلچسپ اور عجیب	0	08-07-10 06:26 PM
جیو ٹی وی پر ایم کیوایم قبضہ	شاہد جمیل حفیظ	خبریں	11	03-07-10 09:49 PM
جیو آئندہ ماہ سے 3/ نئے پروگرام شروع کریگا کراچی(جنگ نیوز) جیو ٹی وی نے ہم	عبدالقدوس	خبریں	1	22-06-08 09:24 PM
”آئیفا ایوارڈزکاؤنٹ ڈاؤن“ اور ”آئیفا ایوارڈزویک اینڈ ود اسٹارز“آج جیو سے پ	عبدالقدوس	خبریں	0	22-06-08 08:51 PM

Currently Active Users Viewing This Thread: 1 (0 members and 1 guests)