راجہ اکرام

انا للہ و انا الیہ راجعون

فرحان دانش

انا للہ و انا الیہ راجعون

گلاب خان

السلام علیکم ورحمۃ اللہ وبرکتہ

اس سارے قصہ میں قصور کس کا ہے، کیا صرف وہ لڑکے قصور وار ہیں جنہوں اس لڑکی کی بے حرمتی کی؟؟ کیا اس کے والدین بری الذمہ ہیں جنہوں نے اپنی اولاد کی ایسی تربیت کی کہ ان لڑکوں نے ایک گھر جاتی لڑکی کو اپنی ہوس کا نشانہ بنایا؟؟؟ یا یہ معاشرہ جس کی حالت اتنی ابتر ہوچکی ہے کہ ایک بیٹی، بہن کی عزت محفوظ نہیں۔ یا سرکار جس کی رٹ نامعلوم کہاں چیلنج ہوتی ہے جس کا وہ ڈھنڈورا پیٹتی رہتی ہے۔ گزرے وقتوں کی بات ہے کہ کسی اسلامی حکومت میں ایک عورت زیورات سے لدی پھندی سیکڑوں میل اکیلے سفر کرتی تھی اور کوئی اس کی طرف آنکھ اٹھا کر نہیں دیکھتا تھا اور ایک آج کہ عورت تو کجا ایک چھوٹی بچی کو گھر سے باہر بھیجتے ہوئے والدین کو ڈر لگا رہتا ہے کہ کسی درندہ صفت پاکستانی کے ہاتھ نہ لگ جائے۔ اس میں کسی طرح پاکستان کا قصور نہیں، قصور تو صرف ہمارا ہے جو اس پیارے وطن کو بدنام کرنے کا کوئی موقع ہاتھ سے جانے نہیں دیتے۔ اللہ ایسے ظالموں کو کیفرکردار تک پہنچائے۔ امین، ثم امین۔

ابو عمار

بھائی درندہ صفت صرف پاکستانی ہی نہیں ہوتے۔ اس سے بدتر حالت خود امریکہ کی ہے جہاں کچھ ڈالر کے لیے بندہ ہی ماردیتے ہیں۔ اور جہاں کسی بھی عورت کی عزت محفوظ نہیں ہے۔

درندہ صفتیت کا کسی خاص قوم سے کوئی تعلق نہیں ہوتا، ایسے خبیث طبیعت کہیں بھی ہوسکتے ہیں۔

آپ والدین کی بات کرتے ہیں تو کونسے والدین ایسا چاہتے ہونگے کہ ان کی اولاد ایسی نکلے اور کونسے والدین اپنی بچوں کی بہترین تربیت نہیں کرتے۔ یہ باہر کا ماحول ہے اور یہ ہمارا میڈیا ہے جو اس قسم کے نوجوان تیار کرنے میں معاون ثابت ہورہا ہے۔

فی الحال تو اس واقعے کے مجرموں میں سے وہ گارڈ بھی ہے جس نے اتنی غفلت برتی۔ کیا اس کو ڈائیوو والوں نے پانی کی گن دے رکھی تھی کہ وہ ظالموں پر ایک پچکاری بھی نہ مار سکا۔

Wahid Mahmood

انا للہ و انا الیہ راجعون

سحر

اس معاملے میں سب کا قصور ہے ۔
ان لڑکوں کا ، والدین کا ، میڈیا کا ، معاشرے کا ، قانوں نافذ کرنے والے اداروں کا جن کا خوف اب لوگوں کے دلوں میں نہیں رہا ۔ حکومتی ممبران کا جو خود ان کاموں مین ملوث ہوتے ہیں ۔ ہمارے یہاں امیر گھروں میں شراب پینے اور اس طرح کے کاموں کو اتنا برا نہیں سمجھا جاتا ۔
اور سب سے آخر میں ہمارا قصور بھی ہے ۔
کہ ہم نے لوگوں کی تربیت کے لیے کوششیں نہیں کی ۔
اور ایک بات اور یہاں ضڑور کہوں گی ۔ کہ آخر میں قصور ہماری سوچ کا بھی ہے ۔ کہ جس لڑکی پر ظلم ہوا وہ لڑکی ہماری سوچ کی وجہ سے کسی کو اپنا نام نہیں بتاسکتی ہے ۔ کیوں ۔
ہم مظلوم کو اعتماد دینے کے بجائے اس کو دنیا میں جینے کا حق ہی چھین لیتے ہیں ۔
کیوں ایسی لڑکیوں جن پر ظلم ہوتا ہے ۔ اپنی زندگی اعتماد سے نہیں گزار سکتی ہے ۔ کیوں ان لڑکیوں کے بارے میں بھی ایسے ہی باتیں کی جاتی ہیں جیسے ان کی مرضی شامل ہو ۔
کیوں عام شریف لڑکیوں کے زمرے سے ان مظلوم لڑکیوں کو نکال دیا جاتا ہے ۔
کیوں ان لڑکیوں کو شادی کے قابل نہیں سمجھا جاتا ہے ۔
شکریہ

__________________
اے اللہ
میرے ہر فیصلے میں تیری رضا ہو شامل
جو تیرا حکم ہو وہ میرا ارادہ کردے

یاسر عمران مرزا

بہت ہی بری، افسوس ناک خبر ہے، شرم کا مقام ہے پاکستانی قوم کےلیے، میرے خیال سے ایسے جرائم کا ارتکاب کرنے والے افراد کو سخت سے سخت سزا، سزائے موت دینی چاہیے۔
لیکن ہمارے ملک کی یہ ایک بری بات ہے کہ یہاں پر جرم کرنے والے آزادی سے گھومتے رہتے ہیں اور عام آدمی پولیس والوں ، غنڈوں اور سیاست دانوں سے ڈر کر رہتا ہے۔

__________________
عرفی تومیندیش ذغوغائے رقیباں - آواز سگاں کم نہ کند رزق گدارا
میرا بلاگ | yasirimran.wordpress.com

راجہ اکرام

السلام علیکم
سحر بہنا آپ نے معاشرے کے ایک منفی رویے کی طرف نشاندہی کی ہے۔
اس طرح کی مظلوم لڑکیوں کو اسی طرح معتوب سمجھا جاتا ہے جس طرح اپنی مرضی سے برائی کرنے والوں کو سمجھا جاتا ہے۔

اللہ ہم سب کو اپنی پناہ میں رکھے ۔۔ آمین

__________________
محتاج اصلاح و دعا

محمدخلیل

سر عام پھانسی کوئی گنجائش نہیں ہونی چاہیے

J.S

دونوں لڑکوں کو سر عام سزا دی جائے پورا پاکستان دیکھے
گارڈ کو بھی سزا دی جائے (اس نے بھی اپنی ڈیوٹی پوری نہیں کی)

گلاب خان

السلام علیکم ورحمۃ اللہ وبرکتہ

بہت ساری کمیاں ہیں ہمارے معاشرے میں۔ ہم سب کو احساس ذمہ داری کی سب سے زیادہ ضرورت ہے۔ جب تک ہم احساس ذمہ داری سے نظریں چراتے رہیں گے اس وقت تک بہت ساری برائیاں ہمارے معاشرے میں موجود رہیں گی۔ جب تک والدین احساس ذمہ داری نہیں کریں گے اس وقت تک بچوں کی تربیت صحیح نہیں ہوسکے گی۔ جن لوگوں نے یہ مذموم حرکت کی ہے وہ خود شادی شدہ اور بچوں والے ہیں، ان کے والدین ہیں اور رشتہ دار اور دوست احباب بھی۔ وہ لوگ شراب کے نشہ میں دھت تھے اور اس معصوم لڑکی کے عزت سے کھیلنے کے لئے انھوں نے شرط لگا دی۔ میرے خیال میں اگر اس شخص کی شروع سے یعنی اس کے والدین اگر اچھی تربیت کرتے تو وہ شاید ایسی حرکت نہ کرتا۔ ہاں اس کی صحبت بھی شاید اچھے لوگوں کی نہ ہوگی اگر اس کا دوست اسے اس حرکت سے منع کرتا اور شرط نہ لگاتا تو بھی شاید ایسی نوبت نہ آتی۔ اگر لڑکی کے ساتھ موجود گن مین تھوڑی ہمت دکھاتا تو شاید ایسا نہ ہوتا۔ یہ سب باتیں گمان ہے۔ لیکن جو ہوا اچھا نہیں بہت برا ہوا۔

محمد الیاس

بڑی بات یہ ہے کہ ہمارے ملک میں انصاف نہیں ہے۔ انگریزی فرسودہ عدالتی نظام کے تحت پوری قوم سسک رہی ہے۔ اگر کوئی کہتا ہے کہ کسی نے جوانمردی(ہیرو؁زم) کا مظاہرہ نہیں‌ کیا تو اسکا جواب اسطرح ہے کہ کافی مقامات پر سننے اور دیکھنے میں‌ آتا رہا ہے کہ اچھّے بھلے لوگ بھی ایسے واقعہ ہوتے ہوئے یا قریب کوئی جُرم ہوتے ہوئے دیکھ کر بھی کنی کترا کر نکل جاتے ہیں کیونکہ انکو معلوم ہے کہ وہ اگر اس مجرم کے خلاف صرف گواہ بنیں‌ یا زیادہ جراءت کر کے مار بھی ڈالیں‌ تو مرتے دم تک عدالت کے چکّر لگاتے رہیں‌گے۔ میرا ایک جاننے والاانگریزی قانون کا قاضی/ جج ہے جس نے سبکدوش ہونے پر بتایا ہے کہ پوری نوکری کے عرصے میں اس نے کوئی ایک فیصلہ بھی نہیں‌ سُنایا ہے۔ جب کسی کو سزا کا خوف نہیں‌ ہے تو پھر جنگل کا قانون نافظ ہے اور ایسے واقعات ضرور ہوں گے ۔
اگر محافظ کے پاس بندوق تھی اور اس نے کچھ نہ کیا تو وہ گولی مارنے یا گردن مارے جانے کا حقدار ہے۔

محمد الیاس

وعلیکم سلام ، شائد یہ پنجابی زبان کا لفظ ہے۔

عبداللہ آدم

انا للہ و انا الیہ راجعون
جب برائی کی ور طرف ترغیب بھی دی جا رہی ہو،اور اسباب بھی مہیا کیے جا رہے ہوں تو معاشرہ ایسی پستی کی طرف ہی جاتا ہے۔اسلامی سزاوں کے ہوتے ہوئے کیا کسی کی اتنی جرات ہو سکتی تھی؟؟
اور ہاں خواتین کو بھی اسلامی پابندیوں کا لحاظ کرنا چاھیے۔بھر حال جتنی مذمت کی جائے کم ہے۔