اب پتہ چلا ریلوے خسارے میں جاتا ہے۔مہرایکسپریس میں لیہ سے روالپنڈی تک کتے کے پلے کی ٹھنڈے دودھ اور بسکٹ سے تواضع۔نگران گرمی سے بچانے کےلئے مسلسل پنکھا جھلتے رہے۔ایک اخبار کی رپورٹ کے مطابق ایک سیاسی شخصیت نے ریلوے میں موجود ایک اہم شخصیت کو تحفہ میں ایک پلہ مہر ایکسپریس کے ذریعے بھیجاتھا۔لیہ سے راولپنڈی تک تمام سٹیشن کی انتظامیہ کتے کے پلے کو پروٹوکول کے لئے اپنے سٹیشنوں پر ٹھنڈا دودھ اوربسکٹ کے ہمراہ موجود رہی ۔ذرائع کے مطابق پلہ (کتے کا بچہ) کوچ نمبر7 میں بھیجا گیا اور سیٹوں کے آمنے سامنے کسی مسافر کو نہ بیٹھنے دیا گیا جبکہ اس کی نگرانی کےلئے موجود افراد کوچ کا پنکھا خراب ہوجانے پر ہاتھ والے پنکھے سے ہوا دیتے رہے۔ذرائع نے مزید بتایا کہ سیٹیں نہ ملنے پر مسافروں نے احتجاج کرتے ہوئے کہا کہ پلے کو بریک پر لے جانے کی بجائے مسافرکوچ کی سیٹوں پر لے جایا جارہا ہے جو کہ سراسر زیادتی ہے۔ لیکن ٹرین عملہ نے ان کی ایک نہ سنی

__________________
جاویداسد