|
ریلوے کے چیک ڈس آنر‘ پی ایس او نے ڈیزل سپلائی معطل کردی
19-08-11, 03:10 AM
اسلام آباد (وقائع نگار) پاکستان ریلوے کے چیک ڈس آنر ہونے کے بعد پی ایس او نے ریلوے کو ڈیزل کی فراہمی معطل کر دی جس سے ٹرینوں کی آمد و رفت جاری رکھنا مشکل ہوگیا ہے۔ چند روز قبل وزیر خزانہ ڈاکٹر عبدالحفیظ شیخ کی کوششوں سے ڈیزل کی سپلائی بحال ہوئی تھی مگر ادائیگیاں نہ ہونے کی وجہ سے پی ایس او کو سپلائی معطل کرنا پڑی۔ پاکستان ریلوے نے 90 کروڑ روپے کے چیک دیئے تھے مگر وہ ڈس آنر ہوگئے۔ پاکستان ریلوے شدید ترین مالی بحران کا شکار ہوگئی ہے۔ ریلوے واپڈا کا بھی نادہندہ ہے اور واپڈا روزانہ ریلوے کے کسی نہ کسی ادارے کی بجلی کاٹ دیتا ہے گزشتہ دنوں سنٹرل ڈیزل ورکشاپ اور ملازمین کی رہائشی کالونیوں کی بجلی کاٹ دی تھی۔ جس پر ملازمین نے شدید احتجاج کیا۔ ڈیزل کی عدم فراہمی کا سلسلہ جاری رہا تو ریلوے عید پر بھی خصوصی ٹرینیں چلانے کے قابل نہیں ہوگی۔ وفاقی حکومت نے 10ارب دس کروڑ روپے بیل آﺅٹ پروگرام کے تحت دینے کا اعلان کیا تھا مگر ابھی تک ریلوے کے اکاﺅنٹ میں ایک پائی بھی نہیں آئی۔ پاکستان ریلوے کو فوری طور پر ڈیڑھ سو لوکوموٹوز کی اشد ضرورت ہے۔ ریلوے نے 50انجن لیز پر لینے کا فیصلہ کیا مگر یہ معاملہ بھی کٹھائی میں پڑا ہوا ہے اور بہتری کی فوری طور پر امید نہیں۔
روزنامہ جنگ راولپنڈی
__________________
(وَقُل رَّبِّ ارْحَمْهُمَا كَمَا رَبَّيَانِي صَغِيرًا) اے میرے رب جس طرح انہوں نے مجھے بچپن سے پالا ہے اسی طرح تو بھی ان پر رحم فرما۔ (الاسراء: 23)
|
گلاب خان
Senior Member
تاریخ شمولیت: Oct 2008
مقام: راولپنڈی
مراسلات: 4,482
شکریہ: 1,535
2,972 مراسلہ میں 8,225 بارشکریہ ادا کیا گیا
|
|
19-08-11, 03:10 AM
Linear Mode
Similar Threads
