واشنگٹن (این این آئی ) ریمنڈ ڈیوس پاکستانی عوام کی نظر میں دشمن نمبر ایک کا کردار اختیار کرگیا ہے۔ امریکی اخبار’واشنگٹن پوسٹ‘ کے مطابق ڈیوس کا نام ایسے زبان زدعام ہوگیا ہے جیسا کہ یوں لگتا ہے کہ پاکستان میں سینکڑوں نہیں بلکہ ہزاروں کی تعدا د میں امریکی فوجی گلیوں میں کسی مشن پر کام کررہے ہیں۔امریکی اخبار نے پاکستانی میڈیا کی رپورٹوں کے حوالے سے کہا کہ ڈیوس کی خاموشی ان کے مشن کو تحفظ دے رہی ہے اور امریکا کسی ایکشن مووی کی طرح آپریشن کر کے پاکستان کی جیل سے ڈیوس کو نکال سکتا ہے یا اس کے ایجنٹس اسے جیل میں زہر دے سکتے ہیں۔ اخبار نے ایک پاکستانی کے حوالے سے لکھا ہے کہ امریکی پاکستان کو تباہ کرنا چاہتے ہیں۔اسی وجہ سے ریمنڈ جیسے لوگ پاکستان بھر میں گھوم رہے ہیں۔جو پاکستان کے خلاف مختلف امور کے لیے مقرر ہیں۔

روزنامہ جنگ راولپنڈی

__________________

(وَقُل رَّبِّ ارْحَمْهُمَا كَمَا رَبَّيَانِي صَغِيرًا) اے میرے رب جس طرح انہوں نے مجھے بچپن سے پالا ہے اسی طرح تو بھی ان پر رحم فرما۔ (الاسراء: 23)