|
ریمنڈ کے فون کا ریکارڈ: 300 پاکستانیوں سے پوچھ گچھ
10-03-11, 05:53 AM
اسلام آباد (مظہر طفیل) ریمنڈ ڈیوس کے فون ریکارڈ کے حوالے سے ملنے والی معلومات کی مناسبت سے 300 پاکستانیوں سے پوچھ گچھ کی جارہی ہے، دی نیوز کو باوثوق ذرائع نے بتایا ہے کہ ” جن لوگوں سے پوچھ گچھ کی جارہی ہے ان سے ملنے والی اطلاعات کی روشنی میں مزید لوگوں کو تحقیقات میں شامل کیا جارہا ہے، ایک سینئر سیکورٹی عہدیدار نے نام ظاہر نہ کرنے کی شرط پر دی نیوز کو بتایا ہے کہ جن زیادہ تر لوگوں سے پوچھ گچھ کی جارہی ہے ان میں سے زیادہ تر کا تعلق تو مذہبی گروپوں سے ہے جبکہ ان میں سے کافی تعداد کاروباری حلقوں سے تعلق رکھنے والوں کی بھی ہے۔ انہوں نے مزید بتایا کہ ان میں سے کسی بھی شخص کو تاحال گرفتار نہیں کیا گیا۔ لیکن چونکہ یہ معاملہ انتہائی حساس اور بین الاقوامی اہمیت کا حامل ہے اس لئے جو معلومات مل رہی ہیں وہ تاحال میڈیا سے خفیہ رکھی جارہی ہیں اور کسی کو ان معلومات تک رسائی نہیں دی جارہی۔ تاہم ایک اور عہدیدار کا کہنا تھا کہ ریمنڈ ڈیوس کی گرفتاری کے حوالے سے مکمل معلومات جلد ہی عوام کے سامنے پیش کردی جائیں گی۔ انہوں نے مزید کہا کہ پاکستانیوں سے غیر رسمی طور پر ہونے والی تحقیقات سے ملنے والی معلومات بھی جلد عوام کے سامنے پیش کردی جائیں گی۔ ان کا کہنا تھا کہ اس موقع پر کسی قسم کی حساس معلومات کے افشاء ہونے سے تفتیش کاروں اور حکومت کےلئے ایک سے مسائل پیدا ہوسکتے ہیں کیونکہ امریکی شہری کی حراست اور اس کے بعد امریکا کی جانب سے اسے چھڑانے کی شدید خواہش پہلے ہی شہ سرخیوں کا موضوع بن چکی ہیں۔ جبکہ دوسری جانب ڈیوس کی فائرنگ سے ہلاک ہونے والے افرا د کے لواحقین اور ملک کے عوام سی آئی اے کے اس اےجنٹ کو دہرے قتل کے الزام میں سزا پاتے ہوئے دیکھنا چاہتے ہیں۔
__________________
(وَقُل رَّبِّ ارْحَمْهُمَا كَمَا رَبَّيَانِي صَغِيرًا) اے میرے رب جس طرح انہوں نے مجھے بچپن سے پالا ہے اسی طرح تو بھی ان پر رحم فرما۔ (الاسراء: 23)
|
گلاب خان
Senior Member
تاریخ شمولیت: Oct 2008
مقام: راولپنڈی
مراسلات: 4,482
شکریہ: 1,535
2,972 مراسلہ میں 8,225 بارشکریہ ادا کیا گیا
|
|
10-03-11, 05:53 AM
Linear Mode
Similar Threads
