اسلام آباد (نمائندہ جنگ) سپریم کورٹ نے قرار دیا ہے کہ ریٹائرمنٹ کے بعد بھی سرکاری حکام کیخلاف انکوائری جاری رکھی جا سکتی ہے۔ فاضل چیف جسٹس عبدالحمید ڈوگر کی سربراہی میں جسٹس اعجاز الحسن اور جسٹس موسیٰ کے لغاری پر مشتمل تین رکنی فل بنچ نے سرکاری ملازمین کی ریٹائرمنٹ کے بعد بھی ان کیخلاف انکوائری جاری رکھنے کی اجازت دیتے ہوئے قرار دیا ہے کہ یہ ایک اہم نوعیت کا کیس ہے اور یہ قانونی نکتہ اس سے قبل عدالت میں نہیں اٹھایا گیا۔ فاضل عدالت نے یہ حکم وفاق بنام محمد اسلم حیات قریشی کیس میں جاری کیا۔ ڈپٹی اٹارنی جنرل نے عدالت کو بتایا کہ یہ کیس بنیادی ملازمت کی شق 54 سے متعلق ہے۔ ڈپٹی اٹارنی جنرل نے سرکاری ملازمین کی ریٹائرمنٹ کے بعد انکوائری جاری رکھنے کے قانونی نکتہ کے متعلق دلائل دیئے۔

__________________