کراچی (نیوز ڈیسک) یکم جنوری کو شائع ہونے والے روزنامہ جنگ کے سالِ نو کے خصوصی ایڈیشن میں غلطی سے واقعات رونما ہونے کی تاریخ کی بجائے متعلقہ واقعات کی اخبار میں اشاعت کی تاریخ درج ہوگئی، لہذٰا ریکارڈ کی درستگی کیلئے واقعات کو ایک دن پہلے کی تاریخ کے مطابق پڑھا جائے۔مثلاً 9 مارچ، چیف جسٹس افتخار چوہدری کو کام سے روک دیا گیا۔ سپریم جوڈیشل کونسل نے 14 مارچ کو واپس بلالیا۔12 مئی، کراچی میں آگ اور خون کی ہولی، فائرنگ، گھیراوٴ جلاوٴ سے 50 جاں بحق 110 زخمی۔ 18 اکتوبر، سابق وزیراعظم بے نظیر کا کراچی پہنچنے پر شاندار استقبال، گاڑی کے نزدیک 2 دھماکے، 150 سے زائد ہلاک۔ 3 نومبر، دہشت گردی اور خودکش حملوں کے واقعات کے سبب چیف آف آرمی اسٹاف نے ہنگامی حالت نافذ کردی، آئین معطل، عبوری آئینی حکم جاری، چیف جسٹس افتخار محمد چوہدری سمیت متعدد ججز نظر بند۔ 8 نومبر، پرویز مشرف نے سویلین صدر کے طور پر حلف اٹھالیا۔