امریکی اخبار وال سٹریٹ جرنل نے اپنے ایک تازہ مضمون میں آصف علی زرداری کی شخصیت پر روشنی ڈالتے ہوئے کہا ہے کہ وہ منتخب ہوتے وقت کی ایک طویل آمریت کے بعد ملک کی بکھرے ہوئے دھارے کو یکجا کرنے کے عزم کے ساتھ آئے تھے لیکن اب وہ نفاق کی علامت بنتے جا رہے ہیں۔
زرداری اپنے دوست دشمن دونوں کی تنقید کا نشانہ بن رہے ہیں۔ بےنظیر بھٹو مرحومہ کے کئی قریبی ساتھی جو حکومت میں بھی شامل ہیں ناراض ہیں اور ان سے براہ راست رابطہ کرنے سے گریز کرتے ہیں۔ اخبار نے کئی شاہدین کے حوالے سے بتایا ہے کہ انہوں نے سینئر وزرا کے خلاف اجلاسوں میں نازیبا زبان تک استعمال کی ہے۔
شریف برادران کے خلاف سپریم کورٹ کے فیصلے نے ملک کو ایک مرتبہ پھر سیاسی بحران کی جانب دھکیل دیا ہے۔ کئی سرکاری اہلکاروں اور مغربی سفارت کاروں کے مطابق زرداری کے طرز حکمرانی سے پیدا ہونے والے مسائل حکومت کو کمزور کرنے کے علاوہ مختلف چیلنجوں سے نمٹنے میں آڑے آ رہے ہیں۔
عدالتی فیصلے سے کراچی میں سٹاک مارکیٹ میں گراوٹ آئی۔
گذشتہ برس سمتبر میں عہدہ صدارت سنبھالنے کے بعد سے زرداری کے گرد چند مشیروں، خاندان کے افراد اور ان لوگوں کا ٹولہ ہے جن سے ان کا تعلق دوران قید بنا اور جن میں سے کئی غیرمنتخب اور ماضی کے کریمنل ہیں۔
ہے۔ ان میں ان کے سابق ڈاکٹر عاصم حسین بھی شامل ہیں جو کراچی میں ایک ہسپتال چلانے کے علاوہ پیٹرولیم پر حکومت کے مشیر کے فرائض بھی انجام دے رہے ہیں۔ حالانکہ ان کا اس شعبے میں کوئی تجربہ نہیں۔
زرداری اپنی بےنظیر کے قتل کے بعد اچانک پاکستان کے طاقتور ترین سیاستدان کے طور پر ابھر کر سامنے آئے۔ ماضی میں وہ پولو کے شوق اور بدعنوانی کی وجہ سے معروف تھے۔
وزیر اعظم کے ساتھ بھی زرداری کے تعلقات حالیہ دنوں میں کشیدہ ہوگئے ہیں
زرداری اپنے صدارتی محل سے کم ہی باہر جاتے ہیں اور جب انہیں اپنے محل سے باہر جانا ہو تو اسلام آباد ایک ریڈ زون ایریا بن جاتا ہے،
اخبار کے مطابق حکام کہتے ہیں کہ زداری کا رویہ لوگوں کو اس مقام کی طرف لے کر جا رہا ہے جہاں وہ زرداری کے ساتھ کام نہ کرنے سے کوشش کریں گے۔