زرداری نے کہا مشرف کی معافی کیلئے امریکا، برطانیہ اور جنرل کیانی سے وعدہ کیا ہے

**گلاب خان** · 04-12-10, 05:11 AM

امریکا چاہتا تھا مشرف کو جلد عام معافی ملے، جنرل کیانی نے استعفیٰ دےنے پر راضی کیا تھا

کراچی (ٹی وی رپورٹ) پاکستان سے متعلق وکی لیکس کے انکشافات سے یہ پتہ چلا ہے کہ صدر زرداری نے کہا کہ انہوں نے پرویز مشرف کی معافی کےلئے امریکا ، برطانیہ اور جنرل کیانی سے وعدہ کر رکھا ہے۔سابق صدر پرویز مشرف کو استعفیٰ دینے پر جنرل کیانی نے آماد ہ کیا تھا اور انہوں نے صدر زرداری کے اس وعدے پر استعفیٰ دیا تھا کہ انہیں عام معافی مل جائے گی۔ یہ بھی پتا چلا ہے کہ امریکا چاہتا تھا کہ صدر مشرف کو جلد عام معافی ملے اور وہ پاکستان میں عام زندگی گزاریں۔ وکی لیکس کے مطابق جنرل مشرف کے استعفے کے 2 ہی روز بعد امریکی وفد نے جنرل کیانی سے ملاقات کی۔ ملاقات میں جنرل کیانی نے پرویز مشرف کو فوری معافی نہ ملنے پر امریکی سفیر سے تشویش کا اظہار کیا۔ جنرل کیانی نے کہا کہ انہوں نے جنرل مشرف کو استعفیٰ دینے پر آمادہ کیا تھا اور اس کے لئے ان کے پاس سب سے بڑی دلیل آصف زرداری کا معافی کا وعدہ تھا۔ اب زرداری یہ وعدہ پورا کرنے میں تاخیر کررہے ہیں جس کے باعث وہ اپنے ادارے فوج میں برے بن رہے ہیں۔ جنرل کیانی نے کہا کہ اگر زرداری مشرف کو عام معافی دے دیں تو ان کی ساکھ پر مزید کوئی اثر نہیں پڑے گا۔ امریکی سفیر این پیٹرسن نے 21 اگست 2008ءکو وزیراعظم گیلانی سے ملاقات کی۔ ذرائع کے مطابق پیپلز پارٹی مشرف کو معافی ضرور دے گی لیکن اس کی ٹائمنگ اہم ہے۔ امریکی سینیٹر نے گیلانی کو بتایا کہ مشرف کو معافی ملنا بہت ضروری ہے۔ 23اگست 2008ءکو امریکی سفیر کی ملاقات صدر زرداری سے ہوئی، معافی کے سوال پر زرداری نے کہا کہ انہوں نے معافی دینے کیلئے امریکا، برطانیہ اور جنرل کیانی سے پکا وعدہ کر رکھا ہے۔ امریکی سفیر نے جلد معافی کا مطالبہ کیا تو زرداری نے کہا کہ صدر بن جاﺅں اس سے قبل ممکن نہیں۔ امریکی سفیر نے کہا کہ ہم چاہتے ہیں کہ مشرف ریٹائرمنٹ کے بعد ایک باعزت زندگی گزاریں اور انہیں تنگ کر کے ملک چھوڑنے پر مجبور نہ کیا جائے۔ آصف زرداری نے انکشاف کیا کہ مشرف نے ن لیگ کی جانب سے اپنے خلاف مواخذے کی تحریک کے بعد چیف جسٹس ڈوگر سے رابطہ کیا اور کہا کہ وہ اس تحریک پر حکم امتناعی جاری کردیں لیکن جسٹس ڈوگر نے اس سے انکار کردیا۔ زرداری کے مطابق ڈوگر مشرف کی بات مان لیتے تو جنرل مشرف جنرل کیانی کو بھی عہدے سے ہٹادیتے۔ زرداری نے اس موقع پر یہ بھی کہا کہ ججوں کی بحالی کے معاملے کو بہت دن لٹکائے رکھوں گا۔ اس دوران پارلیمنٹ میں اس معاملے پر بحث ہوتی رہے گی اور جسٹس ڈوگر کے فیصلے آتے رہیں گے۔ انہوں نے کہا کہ وہ جسٹس افتخار چوہدری کو بلوچستان کا گورنر بننے پر بھی آمادہ کریں گے۔ بعد کے حالات نے ثابت کیا کہ بلوچستان کا گورنر تبدیل نہیں کیا گیا جبکہ صدر زرداری نے مشرف کو عام معافی دینے کا وعدہ بھی پور انہیں کیا۔
روزنامہ جنگ راولپنڈی

**عبدالقدوس** · 04-12-10, 06:50 AM

مجھے تو اس بات کا لیکس سے بھی پہلے کا پتا ہے

04-12-10, 06:50 AM	#2
عبدالقدوس Administrator تاریخ شمولیت: May 2007 مقام: گوگل عمر: 24 مراسلات: 25,294 کمائي: 2,346,349 شکریہ: 18,821 12,630 مراسلہ میں 29,416 بارشکریہ ادا کیا گیا	مجھے تو اس بات کا لیکس سے بھی پہلے کا پتا ہے Share Share this post on Digg Del.icio.us Technorati Twitter Facebook!

موضوع کے اختیارات
Show Printable Version Email this Page
ظاہری انداز	Rate This Thread
Linear Mode Switch to Hybrid Mode Switch to Threaded Mode	Rate This Thread:

Similar Threads
موضوع	موضوع شروع کیا	فورم	جوابات	آخری مراسلہ
وہ وعدہ ہی کیا جو وفا ہوگیا!! وعدے قرآن حدیث تو نہیں	گلاب خان	عمومی بحث	10	08-03-11 01:08 PM
فلسطینی طلبہ نے اسرائیلی مصنوعات کے بائیکاٹ کی مہم کا آغاز کر دیا	ھارون اعظم	خبریں	14	05-05-10 11:13 AM
جادوعشق۔۔۔	شیراز احمد	شاعری اور مصوری	1	15-07-09 12:20 PM
زرداری کے شورٰی کے وعدے	محمد الیاس	شاعروں کی بیٹھک	1	09-11-08 12:05 AM
وعدہ	میاں شاہد	اختر شیرانی	0	08-04-08 09:05 AM

Currently Active Users Viewing This Thread: 1 (0 members and 1 guests)