القمرآن لائن نیوز، ہرارے


زمبابوے میں افراط زر کی غیر معمولی صورتحال کے باعث لین دین کو آسان بنانے کیلئے مرکزی بینک نے ایک ہزار کھرب زمبابوین ڈالر کا نیا نوٹ جاری کر دیا۔ اس نوٹ کی مالیت 300 امریکی ڈالر کے برابر ہے۔

ریزرو بینک آف زمبابوے کے جاری کردہ بیان کے مطابق افراط زر میں یومیہ بنیادوں پر ہونے والے غیر معمولی اضافے اور کرنسی کی قدر میں کمی کی صورتحال کو مد نظر رکھتے ہوئے لین دین میں آسانی پیدا کرنے کیلئے دنیا کی تاریخ میں سب سے بڑی مالیت کا نوٹ متعارف کرائے جا رہے ہیں۔ ان نوٹوں کی مالیت ایک ہزار کھرب، 500 کھرب، 200 کھرب اور ایک سو کھرب زمبابویں ڈالر ہو گی۔ زمبابوی ڈالر کی مارکیٹ قدر کے مطابق ایک ہزار کھرب ڈالر کے نوٹ کی مالیت 300 امریکی ڈالر کے برابر ہے۔ واضح رہے کہ سرکاری اعداد و شمار کے مطابق زمبابوے میں افراط زر کی شرح 23 کروڑ فیصد سے تجاوز کر گئی ہے تاہم آزاد ذرائع کا کہنا ہے کہ حقیقی افراط زر اس سے کئی گنا زیادہ ہے۔ یاد رہے کہ زمبابوے کے مرکزی بینک نے گزشتہ ہفتے 10، 20 اور 50 ارب زمبابویں ڈالر کے نوٹ جاری کئے تھے لیکن اتنی بڑی مالیت کے نوٹ میں لین دین میں آسانی پیدا نہ کر سکے۔