پاکستان کے قبائلی علاقے شمالی وزیرستان میں سنیچر کو دو گھنٹے کے دوران ہونے والے تین ڈرون حملوں میں چودہ افراد ہلاک اور تین زخمی ہوگئے ہیں۔

ہلاک ہونے والے افراد میں زیادہ تر مقامی طالبان بتائے جاتے ہیں۔

شمالی وزیرستان میں ایک سرکاری اہلکار نے بی بی سی کے نامہ نگار دلاورخان وزیر کو بتایا یہ تینوں واقعات سنیچر کی صُبح سات بجکر پچاس منٹ پر شمالی وزیرستان کے سب ڈویٰژن میرعلی سے تقریباً تیس کلومیٹر دور شمال مغرب کی جانب تحصیل سپین وام میں پیش آئے ہیں۔

انہوں نے بتایا کہ یہ علاقہ افغان سرحد سے صرف پانچ کلومیٹر کے فاصلے پر واقع ہے۔جس جگہ حملے ہوئے ہیں وہاں عام آبادی بہت کم ہے اور دشوار گزار پہاڑی سلسلے ہیں۔

اہلکار کے مطابق پہلے حملے میں مندہ خیل میں ایک گاڑی کو نشانہ بنایا گیا جس میں چار افراد ہلاک ہوئے جبکہ غوڑیشکئی کے علاقے میں شدت پسندوں کے ایک مرکز پر دو بار حملہ کیا گیا ہے۔
گزشتہ سال شمالی وزیرستان میں سو سے زیادہ ڈرون حملے ہوئے اور 2011 کے پہلے دن میں امریکی جاسوس طیاروں نے تین حملوں سے سال کا آغاز کیا ہے۔

پہلے حملے میں اس مرکز میں موجود پانچ شدت پسند مارے گئے اور جب حملے کے بعد شدت پسندوں کی ایک گاڑی وہاں پہنچی تو اس سے اتر کر مرکز میں جانے والے مزید پانچ افراد پر ایک اور میزائل داغا گیا۔

انہوں نے کہا کہ حملے میں شدت پسندوں کی پناہ گاہ پر چھ میزائل اور گاڑی پر دو میزائل داغے گئے جس سے مرکز اور گاڑی مکمل طور پر تباہ ہوگئی۔

مقامی لوگوں کا کہنا ہے کہ حملے میں حافظ گل بہادر گروپ کے ٹھکانے کو نشانہ بنایا گیا ہے۔ اہلکار نے بتایا کہ ہلاک ہونے والوں میں دو غیر ملکی بھی بتائے جاتے ہیں تاہم ان کی قومیت کے بارے میں معلوم نہیں ہوسکا۔

خیال رہے کہ گزشتہ سال سے شمالی وزیرستان میں ڈرون حملوں تیزی آئی ہے اور ایک وقت میں کئی ڈرون طیارے فضا میں موجود ہوتے ہیں۔

سرکاری اعداد شمار کے مطابق گزشتہ سال شمالی وزیرستان میں سو سے زیادہ ڈرون حملے ہوئے اور 2011 کے پہلے دن میں امریکی جاسوس طیاروں نے تین حملوں سے سال کا آغاز کیا ہے۔

‭BBC Urdu‬ - ‮پاکستان‬ - ‮دو گھنٹے میں تین ڈرون حملے، چودہ ہلاک‬

__________________
محتاج اصلاح و دعا