25 اگست 2010
سیالکوٹ (مانیٹرنگ ڈیسک)گزشتہ دنوں ڈاکو قرار دے کر سر عام قتل کیے گئے طالب علم نے نویں جماعت کا امتحان ستر فیصد سے زائد نمبر لے کر فرسٹ ڈویژن میں پاس کرلیا۔تفصیلات کے مطابق سیالکوٹ میں ڈاکو قرار دے کر سینکڑوں لوگوں کی موجودگی میں انتہائی وحشیانہ انداز میں قتل کیے گئے دو بھائیوں کے گھر والوں کی آنکھیں اپنے پیاروں کی یاد میں تو نم رہتی ہی ہیں مگر آج مظلوم بھائیوں کے والدین اُس وقت اور بھی غم زدہ ہو گئے جب اُنہیں گوجرانوالہ بورڈ کی طرف سے منیب بٹ کا رزلٹ کارڈ ملا جس کے مطابق منیب نے 480میں سے 342نمبر لے کر فرسٹ ڈویژن حاصل کی۔اس موقع پر منیب کی والدہ نے کہا کہ اگر اُن کا بیٹا زندہ ہوتا تو وہ آ کر انکے گلے سے لپٹ جاتا ۔مقتول کے غمزدہ خاندان کا کہنا ہے کہ منیب بہت لائق طالبعلم تھا اور امتحانی نتائج نے اُن کے غم کو پھر سے تازہ کر دیا ہے۔

__________________
جاویداسد