کالی چادر لپیٹے ہوئے سبیحہ نے ایکسپریس ٹرائبیون سے گفتگو کرتے ہوئے بتایا کہ اس کا شوہر قاری شاہد جو کہ ٹی ٹی پی کراچی کا ہیڈ تھا، چاہتا تھا کہ اس کا بیٹا اس کے نقشے قدم پر چلے۔
سبیحہ کو اس وقت گرفتار کیا گیا جب اس کا تعلق شاہد کی نو دہشت گردانہ کاروائیوں سے نکلا، جن میں پی این ایس مہران پر حملہ اور نومبر میں ہونے والے سی ویو دھماکے کے واقعات شامل ہیں۔ ایک تفتیشی رپورٹ کے مطابق، اس نے ریاض چنوئے کو منتقل کرنے میں اور بموں کی ڈلیوری میں بھی مدد کی۔ پولیس میں اضطراب پایا جاتا ہے کہ اس کا کیا کیا جائے۔ ان کا کہنا ہے کہ یہ کیس شروع میں بہت آسان تھا لیکن اب یہ پیجیدہ ہوتا جا رہا ہے۔ ایس پی سبحانی کا کہنا تھا " ابھی تک تو ہم نے اسے ریاض چنوئے کے کیس میں ہی رکھا ہوا ہے اور اس کا سات دنوں کا ریمانڈ بھی لیا گیا ہے"۔
سبیحہ کا کہنا تھا کہ وہ اپنے خاوند کے کچھ کاموں سے اتفاق نہیں کرتی، لیکن وہ جہاد میں یقین رکھنے والوں میں سے ہے، "اگرمیں شادی شدہ نہ ہوتی تو میں جہاد کے لیے جاتی"۔ "مجھے شاہد کی دہشت گردانہ کاروائیوں کا پتہ شادی کے بعد چلا لیکن کچھ نہیں کہا کیونکہ وہ ایک اچھا شوہر تھا"۔
اپنا دفاع کرتے ہوئے سبیحہ نے کہا " یونیورسٹی آف کراچی کے دھماکے لیے پیکٹ کی ترسیل میں نے کی تھی جس کی وجہ سے میں شرمندہ ہوں، لیکن اس وقت مجھے معلوم نہيں تھا کہ اس پیکٹ میں کیا تھا، میں تو بس اپنی شادی بچانا چاہتی تھی"۔
باوجود اس کے کہ سبیحہ نے اپنے شوہر کی مدد کی، اس نے یہ عہد لیا ہے کہ وہ اپنے بیٹے کو دہشت گرد نہیں بننے دے گی۔ وہ چاہتی ہےکہ اس کا بیٹا ڈاکٹر یا پھر انجینیئر بنے۔ لیکن کسی کو معلوم نہیں ان کے بیٹے دوجانا کے ساتھ کیا ہو گا۔ اس کا امکان مجود ہے کہ وہ اپنی ماں کے ساتھ جیل بھیج دیا جائے گا یا پھر راجن پور اپنے خاندان والوں کے پاس بھیج دیا جائے گا۔
- ایکسپریس ٹرائبیون