20 ستمبر 2010

لندن(مانیٹرنگ ڈیسک) معروف جریدے اکانومسٹ نے کہا ہے کہ اگر وزیر اعلیٰ پنجاب میاں شہباز شریف کی طرح دوسرے حکمران بھی محنت کرتے تو پاکستان میں سیلاب سے تباہی کے اثرات کم ہوئے۔ جیو نیوز کے مطابق معروف جریدے اکانومسٹ نے اپنی ایک رپورٹ میں لکھا ہے کہ میاں شہباز شریف متاثرین سیلاب کی بحالی میں سرگرم ہیں۔ جریدے نے لکھا ہے کہ وہ ہیلی کاپٹر کے کھلے ہوئے دروازے سے باہر جھانکتے ہیں اور خشک راشن کی بوری کو باہر کی جانب دھکیلتے ہیں اور نیچے پھینکتے ہیں ۔ جریدے نے لکھا ہے کہ جب سے سیلاب آیا ہے شہباز شریف نے اپنا تقریباََ ہر دن سیلاب ذدگان کی امدادی سرگرمیوں میں گزارا ہے اور ان کے مخالفین ان پر سیلاب سے سیاسی فائدہ اٹھانے کا الزام لگاتے ہیں لیکن حقیقت یہ ہے کہ اگر پاکستان میں کچھ حکمران شہباز شریف کی طرح محنت کرتے تو پاکستان آج اتنا تباہ حال نہ ہوتا۔ جریدے میں لکھا ہے کہ شہباز شریف سیلاب ذدہ علاقوں میں صحت کا جائزہ بھی لیتے ہیں۔ اکانومسٹ کی رپورٹ کے مطابق سیلاب کے نقصانات سب سے زیادہ پاکستان پیپلز پارٹی کے لیے ہونگے۔ جریدے نے لکھا ہے کہ سیلاب کی پیشگی وارننگ کے باوجود پیپلز پارٹی سندھ کی حکومت کا رد عمل قابل افسوس ہے جبکہ صوبہ خیبر پختونخواہ کے حکمرانوں کو بھی اس سیلاب سے نقصان پہنچ سکتا ہے کیونکہ درست طور پر سمجھا جاتا ہے کہ ان کا رد عمل سستی کا شکار تھا۔ جریدے نے لکھا ہے کہ وفاقی حکومت نے بھی کوشش کی ہے لیکن اس کی رفتار مطلوبہ رفتار سے سست تھی۔

__________________
جاویداسد