سخی حسن قبرستان کے قریب قلندریہ چورنگی پر بسوں کے ناجائز اڈوں سے حادثات میں اضافہ



کراچی(اسٹاف رپورٹر) ناتھ ناظم آباد میں سخی حسن قبرستان کے قریب قلندر چورنگی اور اطراف کی سڑکوں پر بڑی بسوں کے ناجائز اڈوں کی وجہ سے حادثات میں اضافہ ہوگیاجبکہ ٹریفک کی روانی بھی شدید متاثر ہورہی ہے۔ بالخصوص چورنگی پر آمنے سامنے گاڑیوں کھڑی کی جاتی ہیں جہاں مسافروں کو چھوڑنے اور سامان پہنچانے والی گاڑیاں بھی آکر کھڑی ہوجاتی ہیں تو ٹریفک کی روانی شدید متاثر ہوئی ہے جبکہ فٹ پاتھ پر کباڑی والے نے قبضہ کر رکھا ہے ۔اہلیان علاقہ کاکہناہے کہ علاقہ پولیس کو متعدد بار صورتحال سے آگاہ کیا لیکن وہ صورتحال کا تدارک کرنے کی بجائے مبینہ طورپر ناجائز اڈوں کی سرپرستی کررہی ہے۔جس سے بالخصوص سخی حسن اور بورڈ آفس کی طرف سے منگھوپیر جانے والے ٹریفک شدید متاثر ہورہاہے اور آئے دن حادثات ہوتے رہتے ہیں۔انہوں نے وزیر داخلہ،آئی جی سندھ اور ڈی آئی جی ٹریفک سے پرزور مطالبہ کیا کہ یہاں سے بسوں کے ناجائز اڈے فوری ختم کرائے جائیں