کولمبو…............سری لنکا میں جھڑپوں کے دوران 21 تامل ٹائیگرز اور 4 فوجی ہلاک ہوگئے۔سری لنکن وزارت دفاع کے مطابق ضلع ویونیا میں باغیوں اور فوج کے درمیان دفاعی سرحد پر ہونے والی جھڑپ میں لیبریشن ٹائیگرز آف ایلم سے تعلق رکھنے والے 18 جنگجو اور تین فوجی ہلاک ہو گئے۔بیان میں کہا گیا ہے کہ ایک اور فوجی اور تین باغی جزیرے جافنا میں ہونے والی جھڑپ میں مارے گئے۔فوری طوراس حوالے سے باغیوں کا ردعمل موصول نہیں ہوسکا۔واضح رہے کہ دونوں فریقین کے جانب سے ہلاکتوں کے متضاد دعوے کئے جاتے ہیں تاہم علاقے میں صحافیوں کے داخلے پر پابندی کے باعث آزادانہ طور پر اس کی تصدیق نہیں کی جاسکتی۔

__________________