کولمبو......سری لنکا میں حکومت اور تامل باغیوں میں جنگ بندی کا معاہدہ ختم ہوتے ہی دوبارہ لڑائی چھڑ گئی ہے جس میں اب تک 6 تامل باغی اور ایک فوجی ہلاک ہو گئے ہیں۔ تاہم تامل باغیوں کا دعویٰ ہے کہ انہوں نے 10سرکاری اہلکاروں کو ہلاک اور 15کو زخمی کر دیا ہے جبکہ ان کا کوئی نقصان نہیں ہوا۔دریں اثناء اقوام متحدہ کے سیکرٹری جنرل نے جنگ بندی ختم ہونے پر افسوس کا اظہار کرتے ہوئے سری لنکن حکومت سے مطالبہ کیا ہے کہ وہ سیاسی حلکے ذریعے اس خوں ریزی کو رکوائے۔کینیڈا نے بھی جنگ بندی ختم ہونے پر گہرے دکھ اور افسوس کا اظہار کیا ہے۔