سری لنکا کی وزارت انصاف کو ملک کے صدر مہندا راجا پکشے کے نام امریکہ کی ایک دیوانی عدالت کی جانب سے اس کے سامنے پیش ہونے کے احکامات موصول ہوئے ہیں۔
عدالت میں پیش ہونے کے ان احکامات کا تعلق ان تین دیوانی مقدمات سے ہے جو سری لنکا میں مبینہ طور پر ماورائے عدالت قتل کا نشانہ بننے والے تملوں کے خاندان والوں نے ہیگ قرارداد کے تحت دائر کیے ہیں۔

مبینہ ماورائے عدالت قتل کے واقعات سری لنکا میں خانہ جنگی کے دوران پیش آئے تھے۔

تمل درخواست گزاروں نے امریکہ میں تشدد سے ہونے والی ہلاکتوں سے متعلق قانون ’یو ایس ٹارچر وکٹمز پروٹیکشن ایکٹ‘ کے تحت عدالت سے ہرجانے کے لیے رجوع کیا ہے۔

سری لنکا کی وزارت انصاف میں کسی اہلکار نے سری لنکا کے اخبار ’ ڈیلی مِرر‘ کو تصدیق کی ہے کہ صدر راجاپکشے کو عدالتی احکامات موصول ہوئے ہیں لیکن وہ ان کا جواب نہیں دیں گے۔

مقدمات واشنگٹن ڈی سی کی عدالت میں دائر کیے گئے ہیں جن میں تین کروڑ ڈالر ہرجانے کا مطالبہ کیا گیا ہے۔ درخواستگزار ایک طالب علم رگیہر منوہرن، انسانی حقوق کے لیے کام کرنے والے ایک کارکن پریماس آنندراجا اور ٹی ٹی تھواراجا کے رشتہ دار ہیں۔

اخبار ’ڈیلی مرر‘ کے مطابق ان تینوں افراد کو مبینہ طور پر خانہ جنگی کے دوران سن دو ہزار چھ میں ہلاک کیا گیا۔

اخبار کے مطابق رگیہر ان پانچ طالب علموں میں سے ایک ہیں جنہیں جنوری دو ہزار میں ہلاک کیا گیا اور آنند راجا کا شمار تنظیم ایکشن ایڈ کے ان سترہ ارکان میں ہوتا ہے جنہیں جون دو ہزار چھ میں مارا گیا۔

سری لنکا الزامات کی تردید کرتا ہے اس کا کہنا ہے وہ ویڈیو فلمیں جعلی ہیں جس میں سری لنکا کی فوج کو تملوں کو مارتے ہوئے دکھایا گیا ہے۔


خبر

__________________
بیاض کمبوہ پڑھنے کے لیے ایڈریس بار میں ٹائپ کریں،
biazekamboh.co.cc